Premer-mınıstr Oljas Bektenov syrtqy faktorlardyń el ekonomıkasyna áseri máseleleri boıynsha jumys keńesin ótkizdi, dep habarlaıdy Egemen.kz Úkimettiń baspasóz qyzmetine silteme jasap.
Keńeste makroekonomıkalyq kórsetkishterdiń boljamy jáne jaǵdaıdyń damýynyń ártúrli ssenarııleri qarastyrylǵan. Sondaı-aq, yqtımal qolaısyz faktorlardyń áserin barynsha azaıtý, sondaı-aq qolda bar artyqshylyqtardy paıdalaný sharalary talqylandy. Ulttyq ekonomıka, Qarjy, Energetıka mınıstrlikteriniń, «Samuryq-Qazyna» ulttyq ál-aýqat qorynyń basshylyǵy álemdik ekonomıkanyń damýynyń Qazaqstanǵa yqpalynyń esepteýleri men ssenarıılerin usyndy.
Ulttyq ekonomıka mınıstrligine múddeli memlekettik organdar jáne uıymdarmen birlese atqarý úshin birqatar tapsyrmalar berildi.