ASTANA. 2 mamyr. AQSh azamattarynyń jartysynan kóbi burynǵy memlekettik hatshy, Demokratııalyq partııa atynan el prezıdenttigine óz kandıdatýrasyn usyný úshin jumys júrgizip jatqan Hılları Klıntonǵa senbeıdi. Bul týraly RIA «Novostı» habarlady.
Associated Press agenttiginiń tapsyrysy boıynsha GFK fırmasy júrgizgen saýalnama nátıjesinde el azamattarynyń 61 paıyzy Hılları hanymdy ádil basshy sanamaıtyny belgili boldy. Al halyqtyń 37 paıyzy eldiń burynǵy birinshi hanymyn jumysyna adal dep sanaıdy.
Aldaǵy prezıdenttik saılaýǵa óz kandıdatýrasyn usynýyn respondentterdiń 44 paıyzy «eldiń damýyna tyń serpin beretin bastama» dep baǵalasa, 53 paıyzy qarsy pikir bildirgen.
Jalpy, Hılları hanymnyń prezıdent bolý úshin jasap jatqan talpynysyna amerıkalyqtardyń 46 paıyzy oń qabaq tanytýda. Al 41 paıyzy saıasatkerdiń eldi basqarýǵa qarym-qabileti jetpeıtinin aıtqan.
Elaman Qońyr.
Derek, sýret: RIA «Novostı».