AQTAÝ. 2 mamyr. Aqtaý qalasynda áıel adam ózin ózi pyshaqtap tastady. Bul týraly lada.kz saıtyna silteme jasap, egemen.kz tilshisi habarlady.
Oqıǵa 30 sáýir kúni túnde Aqtaý qalasynda bolǵan. Qaladaǵy shaǵyn aýdandardyń birinde turatyn 53 jastaǵy áıel keýde tusynan alǵan jaraqattan oblystyq aýrýhanaǵa jetkizilgen. Otadan soń hırýrgııalyq bólimge jatqyzylǵan onyń ómirine tónip turǵan qaýip joq.
Zardap shegýshiniń aıtýynsha, pyshaqpen ózin-ózi jaralaǵan, alaıda, áıeldiń kóp sóıleı almaýy sebepti onyń mundaı qadamǵa nelikten barǵandyǵy aıtylǵan joq.
Qazir osy oqıǵaǵa qatysty tergeý amaldary júrgizilýde.
Gúlaıym Shyntemirqyzy.
Derek: egemen.kz.
Sýret: newstes.ru.