BIRINShI KÝRS STÝDENTINIŃ KÚNI:

QMEBI-diń yntymaǵy jarasqan ortasynda otbasy múshelerimen birge 2010 jylǵy 12 maýsymda Al­maty qalasynda, QMEBI aýma­ǵynda Birinshi kýrs stýdentiniń kúni – qabyldaý emtıhandaryn sátti tap­syrǵan stýdentter men olardyń ata-analarynyń ınstıtýt ákimshi­ligimen, oqytýshylarymen jáne stýdent­te­rimen kezdesýi bo­lyp ótti. Qonaqtar ózderiniń bo­­lashaq alma-materimen jaqyny­raq tanysýǵa, stýdenttik ómirdiń barlyq qyr-syry týraly bilýge, sonymen qatar bo­la­shaq kýrs­tas­tarymen birge jan­­ǵa jaı­ly ýaqyt ótkizýge múmkindik aldy. Bul Qazaqstandaǵy osyndaı sı­­pattaǵy birinshi is-shara. QMEBI-diń stýdenttik qalashy­ǵynyń aýma­ǵynda ınteraktıvti oıyndar, sport ja­rys­tary, óner festıvali jáne qazyna izdeýdiń qyzyqty saıahaty ótkizildi. Baqy­tymyzǵa qaraı, aýa raıy da jaqsy boldy. Stýdentter oqytýshy­lar­men bıresmı jaǵdaıda áńgime­lesip, dámdi balmuzdaq jep, sabaq ótetin aýdıtorııalarmen ta­nysty. “Búgingi kún bizdi qatty qýa­nyshqa keneltti, óte kóńildi bol­­dy, – dedi QMEBI-diń bo­la­shaq stýdenti Raý­shan, – men naq osynda oqıty­nym­dy maqtan ete­min. Qazir oqýdyń bas­talýyn taǵat­syzdana kútip júrmin”. “Biz jańadan oqýǵa túsken stý­dentter oqý bastalǵanǵa deıin kýrs­­tastarymen tanysyp, jańa dostar taýyp, oqyp júrgen stý­denttermen jáne oqytýshylarmen áńgime-dú­ken qurýy úshin osy kezdesýdi uıym­­das­tyryp otyrmyz, – dedi QMEBI-diń Stýdent­terdi qabyl­daý, tirkeý jáne bitirtip shyǵarý jónindegi dekany La­rısa Savıs­kaıa, – bul ótkizilip otyrǵan is-shara oqý bas­ta­lar aldyndaǵy olar­­dyń qorqy­nyshyn seıil­týge kómek­testi dep oılaı­myn. Biz bá­riniń de sátti ót­ke­nine qýanysh­tymyz”. QMEBI ata-analardy da umyt qaldyrmaı, olarǵa taıaý jyldar­dyń ishinde balala­ryna jetekshilik ja­sap, olar­dyń joǵary bilikti ma­man bolyp shyǵýyna at sa­ly­sa­tyn adam­darmen áńgi­me­lesý múmkindigin berdi. Ata-analar ıns­tı­týt bas­shy­ly­ǵymen jáne fa­kýl­tet ókil­de­rimen­ kezdesý ba­­ry­synda halyq­ara­lyq ynty­maq­tastyq, ǵylymı ju­mystardy ke­ńeıtý jáne halyq­aralyq oqytý­shylar quramyn tartý salala­ryn­daǵy QMEBI-diń jetis­tikteri men josparlary týraly egjeı-teg­jeıli bile aldy. “1998 jyly men QMEBI-diń magıstratýrasyn bitirdim. Sodan be­ri ózimniń alǵan áserlerim áli kún­ge deıin jadymda, osy jyl­dardyń ishin­de órshimese, basylǵan joq. Endi me­niń qyzym osy ıns­tı­týtqa túsedi, – dep qonaqtardyń bi­ri Janat Tur­ǵy­nova óziniń piki­rimen bólisti, – jáne búgingi kún úsh­in úlken rahmet aıta­myn. QMEBI-diń ótkizgen kóptegen sha­ralarynda boldym, ony uıym­das­­ty­rýdyń ózi úlken áser qal­dy­rady jáne bilim deńgeıi toly­ǵy­men sáıkes keletinin óz tájirı­bemnen bilemin”. Sonymen qatar Birinshi kýrs stýdentiniń kúni 26 maýsym kúni As­tana men Shymkent qalalaryn­da da ótkizilmek. Búgingi tańda QMEBI – osyndaı tektes kezde­sý­lerdi ótkizip otyrǵan Qazaq­stan­daǵy alǵashqy jo­ǵary oqý orny. “Bul QMEBI-diń – jaı bilim oshaǵy ǵana emes, onyń má­denıet eke­nin taǵy da dáleldep otyr! Iаǵnı, ashyq­tylyqqa, aıqyn­dyq­qa jáne tutas­tyqqa negizdelgen má­de­nıet. Bizdiń stýdentterimiz bizdiń bas­ty basym­dylyǵymyz bo­lyp ta­bylady jáne bul bizdiń atqar­ǵan bar­lyq isi­miz­­den kórinis tap­qan”, – dedi QMEBI prezıdenti, doktor Chan Ian Beng. Gúlzeınep SÁDIRQYZY.