ASTANA. 2 mamyr. Búgin basketboldan VTB Biryńǵaı lıgasynda el namysyn qorǵaıtyn «Astana» komandasy saıystyń pleı-off básekesindegi alǵashqy oıynyn ótkizdi. Máskeýde jergilikti SSKA-men kúsh synasqan basketbolshylarymyz azýly qarsylastarynan 58:103 esebimen oısyraı jeńildi. Bul týraly egemen.kz habarlady.
Kezdesýdiń alǵashqy eki kezeńinde astanalyqtar aıtarlyqtaı qarsylyq kórsetken edi. Tipti alǵashqy kezeńde úsh upaı aıyrmasymen ǵana (24:27) jeńilgen «Astana» ekinshi kezeńde 18:20 esebimen ese jiberdi.
Al sońǵy eki kezeń tek SSKA-nyń qalaýymen ótti. Oıynnyń úshinshi bóliginde máskeýlikter 25:9 esebimen jeńiske jetse, sońǵy kezeń alań ıeleriniń paıdasyna 31:7 esebimen aıaqtaldy.
Oıyn barysynda eń kóp upaı jıǵan oıynshylar Nando de Kolo (SSKA) men Djerrı Djonson («Astana»). Ekeýi de 40 mınýttyń ishinde enshilerine 17 upaıdan jazdy.
Osylaısha, qos komanda arasyndaǵy jalpy esepte SSKA alǵa shyqty (1:0). Kelesi match 4 mamyrda Máskeýde ótedi.
Elaman Qońyr.
Derek: egemen.kz.
Sýret: vtb-league.com.