Keshe Bas prokýratýrada “Qazirgi kezeńdegi uıymdasqan qylmysqa qarsy kúres: problemalar jáne olardy sheshý joldary, uıymdasqan qylmysqa qarsy áreket jasaý jónindegi sharalardy jetildirý” taqyrybynda halyqaralyq ǵylymı-praktıkalyq konferensııa bolyp ótti. Konferensııa uıymdasqan qylmysqa qarsy kúres salasynda halyqaralyq yntymaqtastyq máselesiniń aıryqsha ózektiligine baılanysty uıymdastyryldy.
Onyń jumysyna Germanııa, Ulybrıtanııa, Reseı sarapshylary, quqyqtanýshy ǵalymdar, Joǵarǵy Sottyń, Ishki ister mınıstrliginiń, Ekonomıkalyq qylmysqa jáne sybaılas jemqorlyqqa qarsy kúres agenttiginiń, Ulttyq qaýipsizdik komıtetiniń, Qarjy mınıstrligi Kedendik baqylaý komıtetiniń, Ádilet mınıstrligi Qylmystyq-atqarý júıesi komıtetiniń ókilderi qatysty.
Forým jumysynyń ashylýynda Bas Prokýrordyń birinshi orynbasary I.Merkel uıymdasqan qylmysqa qarsy kúres eldiń quqyq qorǵaý organdarynyń asa mańyzdy mindeti bolyp tabylatynyn atap kórsetti. Qazirgi zamandaǵy uıymdasqan qylmys transulttyq sıpatqa ıe bolǵandyqtan, oǵan qarsy kúres keń aýqymdy halyqaralyq yntymaqtastyq negizinde birlesken kúshpen júrgizilýi tıis. Osyǵan oraı, ártúrli elderdiń kúsh-qýatyn biriktirip, quqyq qorǵaý organdarynyń ózara is-qımyly salasyn keńeıtý jóninde usynys jasaldy, dep habarlady Bas prokýratýranyń baspasóz qyzmeti.