Qyzylorda oblysy Polısııa departamentiniń Esirtki qylmysyna qarsy is-qımyl basqarmasy oblys ortalyǵyndaǵy túngi klýbtyń birinde azot oksıdi quıylǵan sharlar ashyq satylyp jatqany týraly áleýmettik jelide jarııalanǵan derekke baılanysty tekserý júrgizdi, dep habarlaıdy Egemen.kz.
Júrgizilgen jedel-izdestirý is-sharalary barysynda 10 lıtrlik 2 ballon, polıetılen paketke salynǵan sharlar, kalıan tabylyp, zattaı dáleldeme retinde alyndy. Qazir dárilik nemese basqa da quraldardy paıdalanyp, eseńgiretý úshin prıtondar uıymdastyrý nemese olardy ustaý boıynsha QR QK 310-babynyń 1-bóligimen sotqa deıingi tergep – tekserý áreketteri bastaldy.
Polıseıler aldaǵy ýaqytta ózge de oıyn saýyq ortalyqtaryna tekserý júrgizedi.