Memleket basshysy Nursultan Nazarbaev Qazaqstan Respýblıkasynyń Bas prokýrory Qaırat Mámıdi qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Q.Mámı Elbasyna eldegi zańdylyq pen quqyqtyq tártiptiń jaı-kúıi týraly baıandady. Sonymen qatar sý sharýashylyǵy qurylǵylarynda, sondaı-aq azamattyq avıasııa salasynda qaýipsizdikti qamtamasyz etýge baılanysty tapsyrmalardyń oryndalýy týraly habarlady.
Tekserýler nátıjeleri boıynsha osy nysandardyń menshik ıelerine gıdrobeketter quryp, olardy qutqarý quraldarymen jabdyqtaý jáne sý deńgeıin basqarý júıelerindegi aqaýlardy joıý jóninde uıǵarym shyǵaryldy. Ýákiletti jáne jergilikti atqarýshy organdarǵa 77 sý sharýashylyǵynyń qurylǵylary boıynsha shara qabyldaý tapsyryldy.
Memleket basshysy Bas prokýrorǵa Aqtaýdaǵy qatań tártiptegi túrmeden qashqan sottalýshylarǵa qatysty máseleni jeke baqylaýǵa alýdy tapsyrdy.
Bas prokýror Memleket basshysyna qylmyskerlerdiń túrmeden qashýyna jol bergen qyzmetkerlerge qatysty qylmystyq is qozǵalǵany týraly habarlady.