ALMATY. 19 maýsym. Megapolıs qalanyń mereıin asyratyn mádenı, demalys oryndarynyń qatary kóbeıip keledi. Sonyń biri – Japon baǵy Almatydaǵy Tuńǵysh Prezıdenti saıabaǵy paıda boldy. Qala turǵyndarynyń kóńiline shýaq shashyp, týrısterge tamasha áser syılaıtyn baqqa joly túskender ózin naǵyz Japonııa elinde júrgendeı sezine alady. Bul týraly egemen.kz habarlady.
Almatynyń eń kórikti jerine qonys tepken baqta bári de bar. Bul jobanyń avtorlary baq óz ataýyna saı bolýy úshin barlyq jaǵdaıdy jasaǵan.
Qalanyń tabıǵı resýrstary basqarmasynyń málimdeýinshe, ýaqyt óte kele baq munan da kórkem bola túspek. Qazirdiń ózinde mundaǵy japon halqynyń aýa-raıy, japon stılindegi oryndyqtar men shamdar, gúlzarlar men kógaldar, toǵandar men bulaqtar kóz tartady. Munda japon sáýlet óneriniń úlgileri de tamasha sheshim tapqan. Túnde saıabaqta shamdar janyp turady.
Sondaı-aq, munda Kúnshyǵys eline tán túrli dekoratıvtik aǵashtarǵa qosa, japon shıeleri men japon úıeńkisi kóshetteri otyrǵyzyldy.
Aıta keteıik, buǵan deıin Tuńǵysh Predıent parkinde «Jeti qazyna» atty qazaq ultyn nasıhattaıtyn arnaıy baq jasalǵan bolatyn. Qala ákimshiligi bul jobamen toqyrap qalmaıtynyn, kelesi jyly atalmysh saıabaqta «Eýropalyq baq» paıda bolady dep otyr.
Aınash Esalı.
Derek, sýret: egemen.kz.