Endi el azamattary júrgizýshi kýáligin eGov Mobile qosymshasy arqyly onlaın aýystyra alady. Bul qyzmet qujattyń qoldanylý merzimi aıaqtalǵan, qujat joǵalǵan, urlanǵan nemese tólqujat derekteri ózgergen jaǵdaıda qoljetimdi, dep habarlaıdy Egemen.kz.
Qyzmettiń basty ereksheligi – buryn berilgen jeke kýálik nemese tólqujattaǵy fotosýretti paıdalaný múmkindigi. Alaıda, fotosýreti bar qujat sońǵy úsh jyl ishinde shyǵarylǵan bolýy tıis.
Qyzmetti alý úshin:
eGov Mobile qosymshasyna kirip, avtorızasııadan ótý; «Qyzmetter» bóliminde «Júrgizýshi jáne kólik» sanatynan «Júrgizýshi kýáligin berý» qyzmetin tańdaý; Daıyn qujatty alatyn HQKO-ny tańdaý; Júrgizýshi kýáligin aýystyrý sebebin kórsetý jáne fotosýret júkteý; Qoltańba úlgisin júktep, baılanys nómirin engizý; Memlekettik bajdy tóleý (4 915 teńge); О́tinimdi Face/Touch ID kómegimen rastaý. Qyzmet nátıjesi «Habarlamalar» bóliminde qoljetimdi bolady.О́tinim maquldanǵannan keıin júrgizýshi kýáligin tańdaǵan HQKO-dan jeke kýálik pen eski júrgizýshi kýáligin usyný arqyly alýǵa bolady. Jańa qujat berilgenge deıin burynǵy kýálik jaramdy bolyp qala beredi (eger onyń merzimi aıaqtalmasa).
Aıta keteıik, qyzmetti iske qosqannan beri 7 000-nan astam adam ony paıdalanyp úlgergen.