L.N.Gýmılev atyndaǵy Eýrazııa ulttyq ýnıversıtetiniń bilim baǵdarlamalary «QS World University Rankings» álemdik bilim berý páni reıtınginiń úzdik TOP 200 qataryna endi.
Úzdik pánder qatarynda: «Qonaqjaılylyq jáne demalysty basqarý» – 101-150, «Arheologııa» – úzdik 101-150, «Aǵylshyn tili men ádebıeti» – 101-150, «Lıngvıstıka» – 101-150, «О́ner jáne gýmanıtarlyq ǵylymdar» – 153, «Tarıh» – 201-250 tobynan kórindi.
Sondaı-aq álemdegi úzdik úsh júzdikte «Injenerııa jáne tehnologııalar» pánderi – 292, «Saıasat jáne halyqaralyq zertteýler» – 250-300 oryn aldy.Úzdik 500-ge «Áleýmettaný» – 301-350, «Bilim» – 301-350, «Bıznes jáne menedjment» – 501-550 bilim baǵdarlamalary kirdi.
Bıyl 5203 joǵary oqý oryndaryna taldaý jasalyp, onyń 1 747-si jarııalandy. Eýrazııa ulttyq ýnıversıteti usynylǵan pánder jalpy sanynda oń dınamıka kórsetip otyr. Bul bıyl 21-ge deıin ósti. Salystyrý úshin aıtalyq, úsh jyl buryn olardyń tek 11 páni bolǵan, ıaǵnı kórsetkish eki esege ósken. Bıyl atalǵan joǵary oqý orny 17 jáne 4 pándik baǵyt boıynsha usynyldy. Jalpy reıtıng kórsetkishteri akademııalyq bedel, jumys berýshiniń bedeli, dáıeksózder, H-ındeksi, halyqaralyq zertteý jelisi boıynsha baǵalanady.
Bıyl alǵash ret Eýrazııa ulttyq ýnıversıteti «Jaratylystaný ǵylymdary» pándik baǵytyna enip, 455-orynǵa ıe boldy. Ýnıversıtet sonymen qatar «Matematıka» boıynsha 501-600 úzdik qataryna endi.Nátıjeler 145-orynǵa kóterilgen «Arheologııa», 301-350-ge kirgen «Bilim» jáne 35 orynǵa kóterilgen «Injenerııa jáne tehnologııalar» boıynsha 292-orynǵa kórsetkishter jaqsardy.
Eń úzdik pánder 100-den sáıkesinshe 72,0 jáne 68,8 ball jınaǵan «Qazirgi tilder» men «Lıngvıstıka» boldy.