Jarqyn jeńisimen quttyqtady

Qazaqstan Prezıdenti Nursultan Nazarbaevtyń atyna memleket, úkimet basshylarynan, halyqaralyq uıymdardyń jetekshilerinen saılaýdaǵy jeńisine baılanys­ty quttyqtaýlar áli de kelip jatyr Úndistan Premer-mınıstri Narendra Modıden quttyqtaý je­del­haty keldi, dep habarlady Prezı­denttiń baspasóz qyzmeti. N.Modı Nursultan Nazarbaevty pre­zı­denttik saılaýdaǵy jeńisimen quttyq­tady. «Qaıta saılanýyńyz Qazaqstan halqynyń Sizdiń kóregen kóshbasshylyǵyńyzǵa degen seniminiń jarqyn aıǵaǵy bolyp tabylady. Sizge qarqyndy damyp jáne órkendep kele jatqan ult qalyptastyrý jolyndaǵy kúsh-jigerińizdiń tabysty bolýyn tilegim keledi. Qazaqstan Sizdiń basshylyǵyńyzben ilgerileý men damýdyń jańa satysyna aıaq basatynyna senimdimin», – delingen jedelhatta. Úndistan Premer-mınıstri eki memleket halqynyń da ál-aýqatyna yqpal etken jáne búkil óńirdegi beıbitshilik pen turaqtylyqqa aıtarlyqtaı úles qosqan Qa­zaqstanmen strategııalyq seriktestikti odan ári nyǵaıtýǵa óz eliniń árdaıym beıildi ekenin atap ótti. «Men ekijaqty baılanystardy kúsheıtý jáne ártaraptandyrý jónindegi birlesken múmkindikterdi talqylaý úshin Sizdiń uly elińizge aldaǵy saparymdy taǵatsyzdana kú­týdemin. Sizdiń qoldaýyńyzben túr­li sala­daǵy yntymaqtastyǵymyzdy bola­shaq­ta budan da joǵary deńgeıge kótere alaty­ny­myzǵa senimdimin», – delingen jedelhatta. * * * Nursultan Nazarbaevqa onyń Qazaqstan Prezıdenti bolyp saılanýyna baılanysty Estonııa Respýblıkasynyń Prezıdenti Toomas Hendrık Ilvesten quttyqtaý jedelhaty keldi, dep habarlady Prezıdenttiń baspasóz qyzmeti. T.Ilves Nursultan Nazarbaevty Qazaqstan Respýblıkasynyń Prezıdenti laýazymyna qaıta saılanýymen quttyqtady. «Qazaqstan Eýropalyq odaqtyń óńirdegi eń mańyzdy seriktesi bolyp sanalady. Biz taıaý bolashaqta yntymaqtastyǵymyz burynǵydan da bekı túsetini úshin qýa­nysh­tymyz. Sondaı-aq, ekonomıkalyq yntymaqtastyq aıasyn keńeıtýge úmittimiz, bul bizdiń qarym-qatynastarymyzdy ári qaraı ilgeriletip, tereńdetýge septigin tıgizetin bolady», – delingen jedelhatta. * * * Ispanııa Úkimetiniń Tóraǵasy Marıano Rahoı Prezıdent Nursultan Nazarbaevqa quttyqtaý jedelhatyn joldady, dep habarlady Prezıdenttiń baspasóz qyzmeti. M.Rahoı Úkimettiń jáne jeke óziniń atynan Nursultan Nazarbaevty prezıdenttik saılaýdaǵy jeńisimen quttyqtady. «Osy jańa mandattyń kezinde biz elderi­miz arasyndaǵy ekijaqty yntymaqtastyqty nyǵaıtýdy jalǵastyra alatynymyzǵa senimdimin. Ispanııa úshin Qazaqstan negizgi seriktes bolyp sanalady. Sizdiń elge meniń 2013 jyly qyrkúıekte jasaǵan sońǵy saparym strategııalyq qarym-qatynastarymyzdy nyǵaıtý múmkindikteri bar ekenine, sondaı-aq, Qazaqstannyń álemdik arenadaǵy jaýapkershiligine kóz jetkizdi, Ispanııa buǵan qoldaý bildiredi», – delingen jedelhatta. Sońynda Ispanııa Úkimetiniń tóraǵasy Qazaqstan Prezıdentine joǵary laýazymdy qyzmette tabys tiledi.   Armenııa Respýblıkasynyń Prezıdenti Serj Sargsıan Qazaqstan Prezıdenti Nursultan Nazarbaevqa quttyqtaý jedelhatyn joldady, dep habarlady Prezıdenttiń baspasóz qyzmeti. S.Sargsıan Nursultan Nazarbaevty Qazaqstan Respýblıkasynyń Prezıdenti laýazymyna qaıta saılanýymen quttyqtady. «Daýys berýdiń daýsyz qorytyndylary Qazaqstan azamattarynyń budan ári de Sizdiń basshylyǵyńyzben júzege asyp jatqan, eldi ári qaraı áleýmettik-ekonomıkalyq damytýǵa, onyń halyqaralyq arenadaǵy bedelin arttyrýǵa baǵyttalǵan aýqymdy jańǵyrýlar jolymen júrýge degen bekem nıetin aıǵaqtaıdy. Armıan-qazaq yntymaqtastyǵy aıasyn ulǵaıta túsý máselesindegi birlesken kúsh-jigerimiz, bizdiń jeke qarym-qatynasymyz aldaǵy ýaqytta da Armenııa men Qazaqstan halyqtary arasyndaǵy dostyqty nyǵaıtý múddesine qyzmet etedi dep esepteımin», – delingen jedelhatta. Sońynda Armenııa Prezıdenti Nursultan Nazarbaevqa densaýlyq pen baqýattylyq, bastamalaryna tabys, al Qazaqstan halqyna tatýlyq jáne baq-bereke  tiledi. * * * Marokko Koroli VI Muhammed Prezıdent Nursultan Nazarbaevqa quttyqtaý jedelhatyn joldady, dep habarlady Prezıdenttiń baspasóz qyzmeti. VI Muhammed Nursultan Nazarbaevty Qazaqstan Respýblıkasynyń Prezıdenti laýazymyna qaıta saılanýymen quttyqtap, onyń eldi ári qaraı damytý men órkendetýge baǵyttalǵan barlyq bastamalaryna tabys tiledi. «Osy múmkindikti paıdalana otyryp, elderimizdi berik baılanystyratyn ıslamı arqaýlar men tıimdi yntymaqtastyqty nyǵaıtý, sondaı-aq, túrli salalardaǵy qatynastarǵa serpin berý maqsatynda baýyrlas elderimizdiń jáne barsha musylman qoǵamdastyǵynyń múddesi úshin Sizben birge bar kúsh-jigerimdi jumsaýǵa daıyn ekenimdi bildirgim keledi», – delingen jedelhatta. * * * Nursultan Nazarbaevqa Portýgalııa Respýblıkasynyń Prezıdenti Anıbal Kavaký Sılvanyń quttyqtaý jedelhaty kelip tústi, dep habarlady Prezıdenttiń baspasóz qyzmeti.  Anıbal Kavaký Sılva Qazaqstan men Portýgalııanyń ekijaqty qarym-qatynastar aıasyndaǵy yntymaqtastyqty nyǵaıtý úshin qajetti múmkindikter aıasyn keńeıtýdi jalǵastyra beretinine senim bildirdi. Portýgalııa Prezıdenti Qazaqstan halqyna baq-bereke tilep, ósip-órkendeýine nıettestigin jetkizdi. * * * Katar Memleketiniń Ámiri Tamım ben Hamad Ál Tanı Qazaqstan Prezıdenti Nursultan Nazarbaevqa quttyqtaý jedelhatyn joldady, dep habarlady Prezıdenttiń baspasóz qyzmeti. Tamım ben Hamad Ál Tanı Katar halqynyń jáne jeke óziniń atynan Nursultan Nazarbaevty Qazaqstan Prezıdenti laýazymyna qaıta saılanýymen quttyqtady. «Sizge myqty densaýlyq pen tabys tilep, al baýyrlas Qazaqstan halqyna ósip-órkendeýi men ilgerileýine nıettestigimdi bildirý úshin osy múmkindikti paıdalanýǵa ruqsat etińiz. Elderimiz arasyndaǵy yntymaqtastyqty bolashaqta da nyǵaıta berýge degen shynaıy yqylasymdy qabyl alyńyz», – delingen jedelhatta. * * * Nursultan Nazarbaevqa onyń Qazaqstan Prezıdenti bolyp saılanýyna baılanys­ty BUU Bas hatshysynyń orynbasary – ESKATO-nyń atqarýshy dırektory Sham­shad Ahtardan quttyqtaý jedelhaty kelip tústi, dep habarlady Prezıdenttiń baspasóz qyzmeti. «Bizdiń komıssııa men Qazaqstan arasynda ózara is-qımyldyń uzaq ári jemisti tájirıbesi bar. Men Sizge osy jyldar ishindegi tyǵyz yntymaqtastyq úshin alǵys aıtqym keledi. Qazaqstannyń energetıka jáne qorshaǵan orta sııaqty negizgi salalardaǵy kóshbasshylyǵy bolashaqta da jalǵasa beretindigine senimdimin. Komıssııa Sizdiń eldiń osy baǵyttaǵy kúsh-jigerin qoldaýǵa daıyn», – delingen jedelhatta. __________________________ Memleket basshysy atyna memleketter men úkimetter basshylarynan, shetelderdiń zań shyǵarýshy organdary ókilderinen, sheteldik kompanııalar jetekshilerinen quttyqtaýlar tolassyz kelip túsýde, dep habarlady Prezıdenttiń baspasóz qyzmeti. Atap aıtqanda, Pákistan Prezıdenti M.Hýseın Pákistan Islam Respýblıkasy halqynyń jáne jeke óziniń atynan Nursultan Nazarbaevty Prezıdent saılaýyndaǵy tarıhı jeńisine baılanysty rııasyz kóńilden quttyqtaıtynyn jetkizgen. «Qazaqstan Prezıdenti joǵary laýazymyna saılanýyńyz Sizdiń Elbasy retindegi bıik bedelińizdi, sondaı-aq halyqtyń senimin jáne budan ári ósip-órkendeıtinine degen senimdiligin aıǵaqtaıdy», – delingen jedelhatta. M.Hýseın Qazaqstan men Pákistan arasyndaǵy syndarly dıalog alda da eki eldiń jáne qos halyqtyń baýyrlastyq qarym-qatynasyn nyǵaıtýǵa septigin tıgizetinin atap ótken. О́z kezeginde Katar memleketiniń Premer-mınıstri – ishki ister mınıstri Abdýlla bın Nasser bın Halıfa Ál Tanı jáne Katar memleketi ámiriniń orynbasary Abdýlla bın Hamad Ál Tanı Nursultan Nazarbaevty Qazaqstan Prezıdenti laýazymyna qaıta saılanýymen quttyqtap, myqty densaýlyq pen tabys tiledi, elimizdiń halqynyń ilgerileýi men ósip-órkendeýine degen  nıettestikterin bildirdi. Antıgýa men Barbýda Premer-mınıstri G.Braýn el úkimeti men halqy atynan  prezıdent saılaýyndaǵy jeńispen rııasyz kóńilden quttyqtaıtynyn jetkizgen. «Bizdiń elderimiz halyqaralyq deńgeıdegi birqatar mańyzdy saıası jáne ekonomıkalyq máseleler boıynsha ózara yntymaqtasyp keledi. Antıgýa men Barbýda Qazaqstandy senimdi dos jáne seriktes retinde qarastyrady. Premer-mınıstr retinde men elderimiz arasyndaǵy baýyrlastyq qarym-qatynas budan ári tereńdeı túskenin qalar edim. Astanada EKSPO-2017 kórmesiniń ótýin taǵatsyzdana kútemin. Ol forýmnyń «Bolashaqtyń energııasy» degen taqyryby der kezinde kóterilip otyr. Meniń úkimetim balamaly  energııa kózderin qyzý zertteýde, sondyqtan atalǵan sammıtke qatysý múmkindigi biz úshin mańyzdy mánge ıe jáne qajetti nátıjesin beredi», – dep jazady avtor. Bashqurtstan Respýblıkasynyń basshysy R.Hamıtov saılaýdaǵy Nursultan Nazarbaevtyń aıqyn jeńisi eldi qarqyndy áleýmettik-ekonomıkalyq damytý jolyndaǵy Prezıdent saıasatyn Qazaqstan halqynyń keńinen qoldaıtynynyń aıǵaǵy ekenin aıtady. «Sizge shyn kóńilden myqty densaýlyq, baqýattylyq jáne baýyrlas Qazaqstan halqynyń ıgiligi jolynda jańa jetistikter tileımiz», – delingen jedelhatta. О́z quttyqtaýyn AQSh kongresiniń múshesi R.Veber de joldap, Nursultan Nazarbaevtyń qaıta saılanýy Qazaqstan azamattarynyń laı­yqty seniminiń jáne Memleket basshy­sy­nyń eldegi jáne shetelderdegi kóshbasshy­lyǵyna da olardyń senetindiginiń dáleli ekenin atap ótken. «Meni Sizdiń óz halqyńyzdy Amerıka Qurama Shtattarymen ekonomıkalyq ózara is-qımyl baǵytyna bastaýǵa degen yqylasyńyz, sondaı-aq, óńirde tatýlyq ornatý jónindegi berik ustanymyńyz qanattandyrady. Elderimiz osyǵan deıin qol jetken progress negizinde budan ári de qarym-qatynasyn jalǵastyrady dep kútemin. Sizdiń sara basshylyǵyńyzben Qazaqstannyń el ishindegi jáne shetelderge qatysty bastamalaryńyz óristeýin jalǵastyra bererine senimdimin», – delingen jedelhatta. AQSh kongresiniń taǵy bir múshesi D.Rorabaker Nursultan Nazarbaevtyń basshy­lyǵymen Qazaqstan tek aýmaǵynyń úlkendigi jóninen iri el retinde ǵana emes, álemdik saýda-saıası qarym-qatynastarda barǵan saıyn mańyzdy ról atqaryp otyrǵan egemen halyq retinde de qaıta órkendegenine nazar aýdarǵan. «Men Qazaqstandy dinı toleranttylyq pen úılesimniń úlgisine aınaldyrý jónindegi maqsatyńyzǵa aıryqsha yqylasymdy bildiremin», – dep jazady avtor. TMD ekonomıkalyq sotynyń tóraıymy L.Kamenkova búkilhalyqtyń daýys berý nátıjeleri Qazaqstan Prezıdentiniń bıik bedeli men onyń eldi órkendetýge jáne basqa memlekettermen ózara tıimdi ynty­maq­tastyqty damytýǵa baǵyttalǵan jasampaz saıasatyna degen halyqtyń zor senimin aıǵaq­taıtynyn atap ótken. «Rýssneft» UK AQ Dırektorlar keńe­siniń tóraǵasy M.Gýserıev saılaýshylar tarapynan kórsetilgen joǵary senim Qa­zaq­stan Prezıdentiniń el azamattary arasyndaǵy bedeliniń aıǵaǵy ekenine nazar aýdarǵan. «Qazaqstannyń ornyqty, qarqyndy damýyna, onyń ónerkásiptik, ǵylymı jáne mádenı áleýetin ashýǵa, memlekettiń halyqaralyq arenadaǵy ustanymyn nyǵaıtýǵa, el azamattarynyń ál-aýqatyn jaqsartýǵa qosqan Sizdiń úlesińizge baǵa jetpeıdi. Kemel memlekettik qaıratker, dana saıasatker – Siz óz elińizdiń tarıhynyń eń jarqyn betterin jazdyńyz. Sizdiń basshylyǵyńyzben júzege asyrylyp jatqan ekonomıkany jańǵyrtýdyń tıimdi ári júıeli saıasaty, Qazaqstan Respýblıkasynyń turaqty ári teńgerimdi damýyn qamtamasyz etý jónindegi sharalar júıesi barsha álemde moıyndalyp jatyr», – delingen quttyqtaýda. Qoldaý lebizin Metro Group kompanııa­sy basqarmasynyń múshesi M.Freze de jet­kizip, bizdiń elde zamanaýı saýdanyń órken­deýindegi negizgi róldi qolaıly iskerlik orta atqaratynyna toqtalyp ótken. «Qazaqstandaǵy ınvestısııalyq ahýaldy jaqsartýǵa baǵyttalǵan Sizdiń alysty kózdegen kózqarasyńyz bizdiń bıznesimizdiń damýy úshin basty jaǵdaıat bolyp sanalady», – delingen hatta. Claas konserni baıqaýshylar keńesiniń tóraǵasy K.Klaas-Mıýlhoızer ótken saılaý­dyń qorytyndylary Qazaqstan Prezı­dentiniń óz elin damytýǵa baǵyttalǵan kóp­jyl­­dyq tabysty jumysyna joǵary baǵa ber­genin atap ótken. О́z quttyqtaýynda Heidelbergcement kompanııasy basqarmasynyń múshesi A.Kern saı­laýdaǵy Nursultan Nazarbaevtyń jeńisi Qa­zaqstan halqynyń óz kóshbasshysyna jáne eldiń Qazaqstan ekonomıkasyn damytýǵa, tereń reformalar júrgizýge baǵyttalǵan  saıa­sı baǵytyna degen joǵary senimin aı­ǵaqtaıtynyna shúbálanbaıtynyn bildirdi. «Sizge densaýlyq jáne eldiń budan ar­ǵy ekonomıkalyq damýynda zor tabystar ti­leı­min, bul Qazaqstandaǵy barlyq sheteldik kásip­kerlerdiń múddesin kórsetedi», – dep jazady avtor. Atlas Copco Energas GmbH kompanııasynyń prezıdenti P.Vagner búkil ujymnyń jáne jeke óziniń atynan Memleket basshysyn quttyqtap, jańa tabystar jáne jaýapty qyzmetine sáttilikter tilegen. Papenburg AG kompanııalar tobynyń jetekshisi  G.Papenbýrg bizdiń eldiń damýyn úlken qyzyǵýshylyqpen baqylap otyrǵanyn aıta kelip, qoıylǵan mindetterdi júzege asyrýda tabys tiledi. Allen Global Companies kompanııasynyń bas dırektory D.Nıkolstyń aıtýynsha, Nursultan Nazarbaevtyń qaıta saılanýy saıası jáne áleýmettik turaqtylyqtyń, sondaı-aq, ınvestısııalyq ahýaldyń júıeli ári oıdaǵydaı bolyp qala beretindigine kepildik beredi. «Bıznes jetekshisi jáne sheteldik ınvestor retinde maǵan bul turaqtylyq uzaqmerzimdi iskerlik sheshimder qabyldaý úshin qajet», – delingen jedelhatta. Dilenschneider Group kompanııasynyń bas dırektory R.Dılenshnaıder Nursultan Nazarbaevty Prezıdent laýazymyna qaı­ta saılanýymen quttyqtap, Memleket basshy­sy­nyń Qazaqstan damýyna qosqan úlesin atap ótken. Eń izgi tilekteri men elimizdi budan ári jańǵyrtý jónindegi strategııalyq jos­par­larǵa degen qoldaýyn Rheinmetall AG kom­panııasy basqarmasynyń tóraǵasy A.Pap­perger de jetkizdi. Halyqaralyq Katev qoǵamdyq qory­nyń ókilderi, qazaq-túrik lıseıleri oqy­týshylary, oqýshylarynyń ata-analary men túlekteri óz quttyqtaýlarynda osy oqý mekemeleri jumysyna jasalǵan qamqorlyq pen qoldaý úshin alǵys bildiredi. «Siz el bolashaǵy úshin jas urpaqtyń irgeli bilim alýy mańyzdy ekenin aıta otyryp, árdaıym ǵylym men bilimniń damýyna kóńil bólesiz», – delingen jedelhatta. Okan ýnıversıtetiniń Qamqorshylar keńesiniń prezıdenti, «Okan» holdıngi dırektorlar keńesiniń tóraǵasy B.Okan Nur­sultan Nazarbaev basqarǵan jyldary Qazaqstan joǵary ekonomıkalyq jetis­tikterge jetkenine toqtalǵan. «Sizdiń kúsh salýyńyzben Túrkııa jáne ózge eldermen tatý kórshilestik qarym-qatynas tabysty óristep keledi. Sizdiń kúsh-jigerińizdiń arqasynda elordasy Astana qaıtadan salynyp, búkil Qazaqstan jańardy», – delingen jedelhatta. Brazılııalyq «Ortaq ǵalamshar» medıa­holdınginiń prezıdenti Ý. de Resende Qazaqstan men Brazılııanyń qarqyndy damyp kele jatqan qarym-qatynasy  eki eldiń halqy men mádenıeti arasyndaǵy yntymaqtastyqty arttyrýǵa oń yqpal eterine senim bildirgen. Ol, sondaı-aq, Nursultan Nazarbaevqa sarqylmas kúsh-qýat, danalyq jáne Qazaqstandy odan ári damytý isinde  shabyt tilegen. * * * Ulttyq ǵylym akademııasynyń prezıdenti, akademık M.Jurynov óz quttyqtaýynda Nursultan Nazarbaevtyń basshylyǵymen Qazaqstan álemge demokratııalyq, zaıyrly, beıbit, órkenıetti, tolerantty, mádenı qundylyqtarǵa ashyq, damyǵan ekonomıkasy bar memleket retinde tanylǵanyn atap ótken. «Nurly Jol» baǵdarlamasy men «Máńgilik El» ıdeıasy – Sizdiń oıyńyzdyń jemisi. Sondyqtan Qazaqstan bolashaqqa Sizben birge ǵana umtylady. Muny ótken saılaý búkil álemge dáleldedi», – dep jazady avtor. H.Dosmuhamedov atyndaǵy Atyraý pedagogıkalyq ýnıversıtetiniń ujymy men stýdentteri el aldyna qoıylǵan maqsattarǵa jetý úshin «Qazaqstan-2050» Strategııasy men «Nurly Jol» baǵdarlamasyn júzege asyrýdyń mańyzdylyǵyn atap ótken. «Biz árdaıym ózimizge artylǵan úmitti aqtaı otyryp, Sizben birge damý jolymen júremiz jáne jasampaz eńbek, tereń bilim men ozyq ǵylym arqyly óz úlesimizdi qosamyz», – delingen hatta. «Bank Sentr Kredıt» AQ eńbek ujymy Nursultan Nazarbaevtyń aıqyn jeńisi Memleket basshysynyń júrgizip otyrǵan strategııalyq baǵdary men jasampaz saıasatyn Qazaqstan qoǵamy keńinen qoldaıtynynyń dáleli ekenin aıtady. «Biz Sizdiń ekijaqty dostyq baılanystar men seriktestikti nyǵaıtýǵa, Qazaqstannyń ekonomıkasyn Ońtústik Koreıa bıznesiniń qatysýymen ártaraptandyrý jónindegi aýqymdy jobalardy tabysty júzege asyrýǵa qosqan úlesińizdi baǵalaımyz. Qazaqstannyń progress jolynda turaqty ári júıeli ilgerileýi sheteldik tikeleı ınvestısııalar tartý men qarjy sektoryn tabys­ty damytý úshin mańyzdy faktor bolyp tabylady», – delingen hatta. Patrıottar partııasynyń Atyraý ob­lystyq fılıalynyń músheleri Nursultan Nazar­baevtyń saılaýdaǵy aıqyn jeńisi­ne baı­lanysty qanaǵattanýshylyq bildirip, ár­bir qazaqstandyq otbasynyń baqýatty­lyǵyn qamtamasyz etýge kóńil bólip otyr­ǵany úshin alǵys aıtqan. Pavlodar oblysy Azamattyq alıansynyń ókilderi Memleket basshysyn saılaýdaǵy aıqyn jeńisimen quttyqtady. «Qazaqstan – búgingi álemde óziniń ornyq­tylyǵymen jáne tynyshtyǵymen erekshelenetin az memleketterdiń biri. Osynyń bárine Sizdiń danalyǵyńyz ben Elbasy degen ataqqa laıyq memlekettik qaıratkerlik tájirıbeńizdiń arqasynda qol jetti», – dep jazady avtorlar. Qazaq kompozıtory, KSRO jáne Qaz­KSR halyq ártisi S.Muhamedjanovtyń otba­sy saılaý Nursultan Nazarbaevtyń basshy­lyǵynyń jarqyn ómirge bastaıtynyna el turǵyndarynyń senetinin jáne ony búkil halyq qoldaıtynyn kórsetkenine toqtaldy. «Sizdiń adamgershiligińiz ben barsha qazaq­standyqtardyń muqtajdyqtaryna degen qamqor­lyǵyńyz bizge elimiz ben balalarymyzdyń bo­lashaǵy qaýipsizdikte jáne udaıy damı beredi degen úmit pen kúsh-qýat beredi», – delingen jedelhatta. Memleket basshysynyń atyna qut­tyqtaýlaryn Qyzylorda oblysy Sekseýil stansasy bastyǵynyń orynbasary Á.Ja­pa­qov, Astana qalasynan «Chýdo detstvo» jeke­menshik balabaqshasynyń tárbıe­lenýshileri, Almaty qalasynan S.Ibraımova, Shyǵys Qazaqstan oblysy Semeı qalasynan E.Orazalın, Qaraǵandy qalasynyń tur­ǵyn­dary Q.Jumabekov, zııatkerlik mektep oqýshysy A.Ábdirásilov joldady. Avtorlar Nursultan Nazarbaevqa táýel­sizdikti nyǵaıtý, saıasatty, ekonomıka men má­denıetti damytý isindegi  qyzmetine tabys tiledi.