Astanada Ortalyqtandyrylǵan kitaphanalar júıesi №3 balalar kitaphana ujymynyń uıymdastyrýymen «17 naýryz – mádenıet jáne ulttyq salt-dástúr» kúnine oraı etnotanymdyq sabaq ótti, dep habarlaıdy Egemen.kz.
Sharaǵa elordanyń №14 mektep-gımnazııasynyń bastaýysh synyp oqýshylary qatysyp, olar kitaphanashylar daıyndaǵan «Sen salt-dástúrdi bilesiń be?» atty tanymdyq suraq-jaýap sabaǵyna qatysyp, halqymyzdyń qundy salt-dástúrimen tanysty.
Atap aıtqanda, jas órender halqymyzdyń turmystyq qundy muralary: jańa týǵan sábıge at qoıý, besikke salý, qyrqynan shyǵarý, tusý kesý, atqa mingizý, toqym qaǵý sekildi dástúrimizdiń mańyzdylyǵymen tanysyp, ejelden kele jatqan kóshpeli qoǵamnyń ǵuryptyq salty: «súıinshi surý», «bazarlyq berý», «shashý shashý», «erýlik», «qalaý», «qutty bolsyn aıtý» sııaqty etnografııalyq uǵymdardyń tereńine úńildi.
Sonymen qatar, jetkinshekter burynǵylardyń «jeti atasyn bilgen er – jeti jurttyń qamyn jer» degenindeı halqymyzdyń genetıkalyq-týystyq qatynasy haqynda júıeli túsinikke qanyǵyp, kóshpendi babalarymyzdyń aqyl-oı týyndysy ulttyq taǵamdar: qurt, irimshik, qymyz, jent, baýyrsaq t.b. týraly málimetterge qanyqty.
Sabaq barysynda oqýshylar ózara ulttyq oıyndar oınap, naýryz jumbaq sheship saıysty. Sońynda jas qonaqtar otandyq hám halyqaralyq án baıqaýlarynyń júldegeri Áıgerim Manapovanyń shyrqaǵan ánderin tyńdap, qyzdardyń «Qamajaı» bıin tamashalady.
(Fotoda ánshi balapan Áıgerim Manapova).