2015 jylǵy 23 sáýir, Astana qalasy
«Ulttyq biryńǵaı testileýdi ótkizý qaǵıdalaryn bekitý týraly jáne «Bilim alýshylardyń úlgerimin aǵymdaǵy baqylaý, aralyq jáne qorytyndy memlekettik attestattaý júrgizýdiń úlgi erejesin bekitý týraly» Qazaqstan Respýblıkasy Bilim jáne ǵylym mınıstriniń 2008 jylǵy 18 naýryzdaǵy № 125 buıryǵyna ózgeris engizý týraly» Qazaqstan Respýblıkasy Bilim jáne ǵylym mınıstriniń 2011 jylǵy 5 jeltoqsandaǵy № 506 buıryǵyna ózgeris engizý týraly
Ulttyq biryńǵaı testileýdi quqyqtyq retteýdi jetildirý maqsatynda buıyramyn:
1. «Ulttyq biryńǵaı testileýdi ótkizý qaǵıdalaryn bekitý týraly jáne «Bilim alýshylardyń úlgerimin aǵymdaǵy baqylaý, aralyq jáne qorytyndy memlekettik attestattaý júrgizýdiń úlgi erejesin bekitý týraly» Qazaqstan Respýblıkasy Bilim jáne ǵylym mınıstriniń 2008 jylǵy 18 naýryzdaǵy № 125 buıryǵyna ózgeris engizý týraly» Qazaqstan Respýblıkasy Bilim jáne ǵylym mınıstriniń 2011 jylǵy 5 jeltoqsandaǵy № 506 buıryǵyna (Normatıvtik quqyqtyq aktilerdi memlekettik tirkeý tiziliminde 2011 jylǵy 30 jeltoqsanda № 7367 tirkelgen, «Egemen Qazaqstan» gazetiniń 2012 jylǵy 21 sáýirdegi № 172-177 (27251) sanynda jarııalanǵan) mynadaı ózgeris engizilsin:
kórsetilgen buıryqpen bekitilgen Ulttyq biryńǵaı testileýdi ótkizý qaǵıdalarynda:
48-tarmaq mynadaı redaksııada jazylsyn:
«48. Attestatty UBT-ny tapsyrǵan kezde bitirýshiler bilim alǵan bilim berý uıymdary beredi. Attestatqa UBT sheńberinde tapsyrylǵan jalpy bilim beretin pánder boıynsha MK sheshimine sáıkes jyldyq baǵa eseptelgen ortasha arıfmetıkalyq baǵa qoıylady. Daý týdyratyn jaǵdaıda baǵany dóńgelekteý kóterý jaǵyna jasalady.».
2. Bilim jáne ǵylym salasyndaǵy baqylaý komıteti (S.N. Nıýsýpov) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń Qazaqstan Respýblıkasy Ádilet mınıstrliginde memlekettik tirkelgennen keıin resmı jarııalanýyn;
3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaýdy ózime qaldyramyn.
4. Osy buıryq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasy
Bilim jáne ǵylym mınıstri A.SÁRINJIPOV.
Buıryq Qazaqstan Respýblıkasynyń Ádilet mınıstrliginde 2015 jylǵy 28 sáýirdegi Normatıvtik quqyqtyq kesimderdi memlekettik tirkeýdiń tizilimine №10815 bolyp engizildi.