ShYRAILY OŃTÚSTIKTIŃ ShEJIRESI

Kórme Tuńǵysh Prezıdent Mýzeıinde Ońtústik Qazaqstan oblysy mýzeı­leri qorlarynan uıymdastyrylǵan “Shyraıly Ońtústiktiń shejiresi” atty kórme bolyp ótti. Oǵan Par­lament depýtattary men zııaly qaýym ókilderi qatysty. Atalǵan kórme 2008 jyldan beri jemisti ótip kele jatqan “Alǵa umtylǵan Qazaq­stan” atty aımaqaralyq kórme jobasy aıasynda ótkizilip otyr. Jıylǵan jurt aldynda sóz alǵan Tuńǵysh Prezıdent Mýzeıi­niń dırektory Alma Saǵynǵalı atalmysh sharaǵa belsene aralasqan bir top azamattardy alǵys hattar­men marapattasa, delegasııany bastap kelgen Ońtústik Qazaqstan oblysy ákiminiń orynbasary Álı Bektaev kórmege ákelingen san ǵasyrlyq tarıhy bar jádiger zattar ony tamashalaǵan barsha jurtty tamsandyrmaı qoımaıdy dedi. Kórmeniń ashylýynda belgili aıtysker aqyn Bekarys Shoı­bekovtiń ońtústiktiń kıeli jer­lerin jyr joldarymen órnektep tanystyrýy, ońtústikqazaqstandyq dástúrli ánshilerdiń ánnen shashý shashýy jıylǵan jurtty bir serpiltip tastady. Bul kórmege Ońtústik Qazaqstan óńiriniń ǵasyrlar qoınaýynan syr shertetin tarıhı, arheologııalyq, sáýlet jáne beıneleý óneriniń úzdik jádigerleri qoıylǵan. Uly Jibek jolynyń boıynda ornalasqan Ońtústik Qazaqstan oblysynda kóneden syr shertetin qalalar men kentterdiń, qorǵandar­dyń, túrli mádenı eskertkishterdiń, ǵajaıyp sáýlet óneriniń baǵa jet­pes úlgileri, tutas jáne jartylaı saqtalǵan qaldyqtary az emes. Osy ólkeden shyqqan Ábý-Nasyr Ál-Farabı, Qoja Ahmet Iаsaýı, Qor­qyt ata jyrlary óshpes muraǵa aınalǵan. Kórme ekspozısııasy eki bólim­nen turady desek, Otyrar memle­kettik arhelogııalyq qoryq-mýzeıi men “Áziret Sultan” memlekettik ta­rı­hı-mádenı qoryq-murajaıy qor­larynan ákelingen san ǵasyr­lyq tarıhy bar baǵa jetpes arheo­logııa­lyq jádigerler,sonymen qatar XIXǵ. aıaǵy XX ǵ. basyndaǵy materıal­dyq mádenıet eskertkish­teri men zergerlik buıymdar qoıylǵan. Kórmeni tamashalaǵan qonaqtar mýzeı alańynda “Sheberler qala­synyń” sándik-qoldanbaly óner týyndylarymen tanysyp, satyp alý múmkindigine ıe boldy. Ulttyq kıimder kolleksııasynyń avtory Halıma Jantóreevanyń áıelderge arnalǵan ulttyq kıim úlgisiniń jıyntyǵy da kórermen nazarynan tys qalmady. “Shyraıly Ońtústik shejiresi” kórmesi aldaǵy ýaqytta bir aı boıy óz jalǵasyn tappaq. Qyzǵaldaq ZULPYHARQYZY, Q.A.Iаsaýı atyndaǵy Halyqaralyq qazaq-túrik ýnıversıtetiniń stýdenti.