Almaty oblysynda Jumysshy mamandyqtar jyly aıasynda «AMANAT» partııasy janyndaǵy «Jastar Rýhy» Jastar qanatynyń bastamasymen kolledj stýdentterine arnalǵan óndiristik ekskýrsııa uıymdastyryldy. Onda kolledj stýdentteri antıfrız zaýytynyń jumysymen tanysyp, óndiristik tájirıbeden ótý jáne jumysqa ornalasý múmkindikterin qarastyrdy, dep habarlaıdy Egemen.kz.
Ekskýrsııa aıasynda 30-dan astam stýdent Qonaev qalasyndaǵy «Baǵashar Meken» antıfrız zaýytyna baryp, óndiristik sehtarmen, ónim daıyndaý tehnologııasymen, zerthanalyq baza jáne sapa baqylaý júıesimen tanysty.
Is-shara barysynda kolledj, zaýyt jáne «Jastar Rýhy» arasynda úshjaqty memorandým bekitildi. Qujatqa sáıkes, stýdentter zaýytta óndiristik tájirıbeden ótip, úzdikteri turaqty jumysqa qabyldanatyn bolady.
«Bizdiń maqsatymyz – stýdentterge naqty óndiristik ortada tájirıbe jınaýǵa múmkindik berý. Kolledj túlekterin naqty jumys oryndarymen qamtamasyz etý. О́ıtkeni, bul – «AMANAT» partııasynyń basym baǵyttarynyń biri», dedi «Jastar Rýhy» Almaty oblystyq fılıalynyń tóraǵasy Medet Bekbergenov.
«Baǵashar Meken» JShS – Qazaqstandaǵy antıfrız óndiretin jalǵyz kásiporyn. Zaýyt jylyna 25 myń tonnaǵa deıin ónim shyǵarady, ony Reseı, О́zbekstan jáne Qyrǵyzstanǵa eksporttaıdy. Munda 200-ge jýyq adam jumys isteıdi, kópshiligi – jergilikti turǵyndar.
Aıta keteıik, bıyl «Jastar Rýhy» bastamasymen Almaty oblysynda 6 óndiris ornyna ekskýrsııa uıymdastyrylyp, oǵan 100-den astam stýdent belsene qatysty.
Jyl sońyna deıin 20 kolledjben memorandým jasalyp, keminde 500 stýdent óndiristik tájirıbege jáne jumysqa ornalasý múmkindigine ıe bolmaq.