Prezıdent Ǵylym kúni qarsańynda ǵalymdarmen kezdesip, kásibı merekesimen quttyqtady. Qasym-Jomart Toqaev ǵylymnyń ár salasynda tabysty eńbek etip, memleketimizdi órkendetýge atsalysyp júrgen azamattarǵa rızashylyǵyn bildirdi, dep habarlaıdy Egemen.kz Aqordanyń baspasóz qyzmetine silteme jasap.
«Ǵylym joly – kúrdeli jol. О́z isine adal, tabandy, eńbekqor, jańashyl ári jasampaz adamdar ǵana ǵylym jolyndaǵy qıyndyqqa tóze alady. Biz shyn máninde ozyq oıly ult bolamyz desek, qoǵamda osy qasıetterdi dáriptep, ornyqtyrýymyz qajet. Uly Abaı da óz zamanynda «Ǵylym tappaı maqtanba» dep ósıet qaldyrdy. Qazir tehnologııa qarqyndy damyǵan kezeńde biz úzdiksiz izdeniske, tereń bilim men ǵylymǵa erekshe mán berýimiz kerek. Men Býrabaıda ótken Ulttyq quryltaı kezinde arnaıy osy máselege toqtaldym. Bul rette, ǵylymı qaýymdastyqqa aıryqsha jaýapkershilik júkteledi. О́ıtkeni, ǵalym – ulttyń shamshyraǵy», dedi Memleket basshysy.