Jyl ótken saıyn ishki ister departamentiniń materıaldyq-tehnıkalyq bazasy nyǵaıyp keledi. Tek sońǵy jyldary ǵana jergilikti qazynadan bólingen qarjyǵa jańa beınebaqylaý qosyny ornatylyp, mekemeler jóndeýden ótti. 5 kólik, 30-ǵa jýyq kompıýterlik tehnıka satyp alyndy.
Jýyrda aýdandarda jumys isteıtin polıseıler jeńil kólikterge ıe boldy. Saltanatty sharaǵa oblys ákimi Serik Bilálov qatysyp, ishki ister organdary qyzmetkerlerine ártúrli markaly 21 jeńil kóliktiń kiltterin ustatty. Tartýlardyń jartysyna jýyǵy shalǵaıdaǵy Ýálıhanov aýdanyna berildi. Sol sııaqty Aıyrtaý aýdanynyń tynyshtyq saqshylary da úlken qýanyshqa bólendi.
Oblystyq ishki ister departamentiniń bastyǵy Daýyl Túsipbekov óz sózinde qoǵamdyq tártipti nyǵaıtýda tártip saqshylaryna jasalyp jatqan kómek pen úlken senimge alǵysyn jetkizdi.
О́mir ESQALI.
Soltústik Qazaqstan oblysy.