AQTAÝ. 5 mamyr. Aqtaý qalasynda bıznesti qoldaý men damytýǵa arnalǵan biregeı baǵdarlama aıasynda áleýetti qatysýshylarmen kezdesý ótti. Bul týraly egemen.kz tilshisi habarlady.
«Damý» Kásipkerlikti damytý qory» AQ-nyń basqarýshy dırektory, aımaqtaǵy fılıaldardyń damýy men úılestigi jónindegi dırektory S.Ahylbekov jáne «Damý» Kásipkerlikti damytý qory» AQ-nyń sýbsıdııalaý departamentiniń dırektory R.Tıýllegenov issaparmen Mańǵystaý oblysyna kelgen bolatyn.
Aqtaý qalasyndaǵy kásipkerlerge qyzmet kórsetý ortalyǵynda «Damý» Kásipkerlikti damytý qory» AQ-nyń qurylymdyq bólimshe basshylary biregeı baǵdarlamanyń sharttaryn túsindirý maqsatynda ekinshi deńgeıli bankterdiń fılıal dırektorlary jáne ókilderimen kezdesý ótkizdi.
Mańǵystaý oblysy boıynsha aımaqtyq kásipkerler palatasynyń dırektory J.Dospaevpen kezdesip, oblystaǵy kásipkerlikti damytý jaıynda suraqtar talqylandy. Sondaı-aq, «Damý» Kásipkerlikti damytý qory» AQ-nyń qurylymdyq bólimshe basshylary Aqtaý qalasynyń kásipkerlerimen jaqyn tanysý úshin, biregeı baǵdarlamanyń áleýetti qatysýshylarynyń birneshe obektilerinde boldy.
Mańǵystaý oblysyndaǵy kóptegen iri kompanııalarǵa memleket tarapynan qoldaýlar kórsetilgen, osy jobalardyń ishinde ónim óndirýmen aınalysatyn BUTA production JShS bar. Bul kompanııa paıyz bóliginiń mólsherlemesin tómendetý úshin sýbsıdııa jáne nesıe boıynsha kepildeme alǵan. Kompanııa basshysy M.Afandıev óndirisin keńeıtý maqsatynda «Damý-О́ndiris III» baǵdarlamasyna qatysýǵa bel býyp otyr.
Biregeı baǵdarlamanyń áleýetti qatysýshylarynyń biri «Dostar Kompanı» kompanııasy. Bul kompanııa Kaspıı teńiziniń jaǵalaýynda qonaq úıler men demalys oryndarynyń qurylys jumystaryn júrgizýmen aınalysady. Kompanııa basshysy T.Ábdikárimovtiń oblysta týrızmniń damýyna salynyp jatqan nysandardyń yqpaly tıetinine senimi mol. Ol biregeı baǵdarlamadaǵy paıyz bóliginiń mólsherlemesin tómendetý maqsatynda memlekettik sýbsıdııany alýǵa qatysatyndyǵyn aıtty.
Gúlaıym Shyntemirqyzy.
Derek, sýret egemen.kz.