Elordalyq depýtattar – el gazetinde qonaqta

Erkin pikir almasý for­ma­tyn­da­ǵy basqosý­dy ashyp, júrgizgen serik­tes­tiktiń bas dırektory Dıhan Qamzabekuly elordalyq máslıhat depýtattarynyń baspa­sóz­ge degen yqylasyna, ózara yqpaldastyqty jańa deńgeıge kóterýge baǵyttalǵan peıilderine alǵys aıtyp, kezdesýdiń mańyz­dylyǵyn atap ótti.

– Bárimiz memlekettik múddege qyzmet etip júrmiz. Jańarǵan elimizdiń, Ádiletti Qazaqstannyń múmkindiginshe qoǵamǵa jaqyn bolý, qoǵamdyq dıalogti alǵa shyǵarý syndy búgingi maqsat-murattaryn jaqsy túsinemiz. Sonymen qatar elimizde ózge etnos ókilderi de ómir súrip jatyr, túrli qoǵamdyq-saıası jikter de bar. Mine, osylardyń arasynda belgili bir suhbattastyqty kásibı dıalog deńgeıine jetkizý, sondaı-aq mádenı-aǵartýshylyq, otbasy qundylyqtary, jastar isi syndy ózge de aqparattyq baǵyttaǵy jumys­tardy kúndelikti júze­ge asyryp kelemiz, – dep D.Qamzabekuly 300-ge jýyq qyz­met­kerdiń basyn qosqan seriktes­tiktiń 11 basylymynyń baǵyt-baǵdaryn tanystyryp shyqty.

О́z kezeginde Astana qala­lyq máslı­hatynyń tóraǵasy Tabıǵat Zeınulqabden elimiz­diń bas basyly­my­nyń ujy­my­men kezde­sip, jıynnyń rýhanı pikir almasý baǵytynda uıymdastyrylǵanyna rızashy­ly­ǵyn bildirdi.

– Elimizdiń damýy baǵytyn­da atqaryp jatqan jumys­ta­ry­myzdyń ortaq tus­tary kóp. Máselen, sizder qoǵamǵa qa­lam arqyly qyzmet qylsańyzdar, biz de qoǵamnyń únin atqarýshy bılikke isimizben jetkizip otyrmyz. Aldaǵy ýaqytta máslıhat atqarǵan jumystardy sizder arqyly halyqqa únemi jetkizip otyrsaq, úlken sharýa atqarylar edi, – degen T.Zeınulqabden sonaý bala kúnindegi gazetpen alǵash qalaı tanysqan oqıǵasyn áńgimelep berdi.

Al kezinde elordalyq «Astana aqsha­my» gazetinde 13 jyl taban aýdarmaı basshy­lyq qyzmet­terde bolǵan, búginde «Egemen Qazaqstan» gazeti bas redaktorynyń orynbasary Talǵat Batyrhan máslıhat depý­tatta­rynyń aldynda gazet mártebesine baılanysty bir utymdy usy­nysyn ortaǵa saldy.

– Bizdi elordanyń jaýapty oryndarynyń, mektepteriniń «Egemennen» bastap balalar gazetine múldem az jazylýy tolǵandyrady. Saýatty astanaǵa bárimiz de jaýaptymyz. Iá, Astananyń ózge qalalardan mártebesi joǵary. Sol sııaqty onyń gazetiniń de mártebesi eli­miz­diń ózge de qalalyq gazet­te­ri­nen bir bas joǵary turýy kerek. Qansha degenmen el­diń asta­­­na­synyń shejiresin ja­sap jatqan basylym ǵoı, – dep T.Batyrhan astanalyq máslıhat depýtattarynyń nazaryna «aqshamdyqtardyń» úlken máselesin jetkizdi.

Odan keıin sóz alǵan depýtat Kendebaı Adambek máslıhat depýtattarynyń da jumysyn jurtqa turaqty jetkizip otyratyn áriptestik ornatý ıdeıasyn tastady. Ol májilismender sııaqty astanalyq máslıhat depýtat­tarynyń da batyl usy­nys­taryn aıtyp, ózekti máseleni kótergen ótkir saýaldar joldap turatynyn tilge tıek etti.

Sondaı-aq jıynda «Qazaq gazet­teri» JShS bas dırekto­ry­nyń birinshi orynbasary Vıktor Prıanıkov, «Egemen Qazaqstan» gazetiniń bas redaktory Ǵabıt Iskenderuly, depýtattar Baýyrjan Qasymbergebaev, Dınara Baıserkına, Ǵabıt Tájimurat, Asqar Smaǵulov, Bekzat Joljaqsynov, «Egemen.kz» saıty­­nyń shyǵarýshy redaktory Baıan Súleımenqyzy da sóz sóılep, BAQ ókil­deri men depýtat­tardyń baılanysyn arttyra túsken bastamaǵa joǵary baǵa berdi.

Jıyn sońynda Dıhan Qamzabekuly Astana qalalyq máslı­ha­tynyń tóra­ǵasy Tabıǵat Zeınulqabdenge alǵys bil­dirip, el gazetinen estelik retinde «Abaı Qunanbaıuly: sıpattamaly bıblıografııalyq kórsetkish» kóptom­dyǵynyń I, II tomdaryn, «Egemen Qazaqstan» kitaphanasy» serııasymen jaryq kórgen Ábish Kekilbaevtiń «Dáýir daýysy», Tilekqabyl Boranǵalıuly­nyń «Eńbekshi qazaq» án­deri» kitaptaryn tar­tý etti.

Al depýtattar redaksııanyń shyǵar­­ma­shylyq, óndiristik bólim­derine kirip, gazet shyǵarý úderisiniń qyr-syryna qanyqty.