TARAZ. 5-mamyr. Jambyl oblysy ishki ister departamenti esirtki bıznesine qarsy kúres basqarmasynyń qyzmetkerleri Taraz tehnıkalyq jáne bıznes kolledjiniń stýdentterimen birlesip, «Taraz – nashaqorlyqsyz qala!» atty aksııa ótkizdi. Bul týraly egemen.kz tilshisi habarlady.
«Qazirgi ýaqytta nashaqorlyq máselesi álemdik qoǵamdastyqta ózekti bolyp qalýda jáne onyń saldary retinde jastar arasynda esirtkini paıdalanýmen baılanysty ahýal barlyq eldiń alańdaýshylyǵyn týǵyzyp otyr», – deıdi bul jóninde osy oqý ornynyń dırektory Jeńis Sopbekov.
О́z kezeginde quqyq qorǵaýshylar jastarǵa arnap aqyl keńesterin aıtyp, oı-pikirlerimen bólisti. «Adamnyń densaýlyǵy – qoǵam baılyǵy. Árbir adam óz densaýlyǵynyń myqty bolýy joldaryn qarastyrady. Otanymyzdyń keleshegi men kórkeıýi ózimizdiń qolymyzda. Salaýatty ómir súrýdiń negizi – jaman ádetterden aýlaq bolý. «Qazaqstan - 2050» Elbasynyń uzaq merzimdi baǵdarlamasy – bizdiń bolashaǵymyzdyń negizgi baǵyty. Sondyqtan, deni saý, táni taza, rýhy kúshti, bilimdi de tárbıeli azamat bolý – el úshin, urpaq úshin asa mańyzdy. Al salaýatty ómir súrýge keri yqpal tıgizetin indet – ol nashaqorlyq», – dedi IID esirtki bıznesine qarsy kúres basqarmasynyń aǵa ınspektory, polısııa podpolkovnıgi Vasılıı Dýbskıı.
Aksııa sońynda barlyq atsalysýshylar «Taraz – nashaqorlyqsyz qala!» uranyn aıtyp, fleshmob bıledi.
Oralhan Dáýit.
Derek, sýret: egemen.kz.