AQSh prezıdenti Donald Tramp Úndi muhıtynyń sýbantarktıkalyq bóliginde ornalasqan, adam turmaıtyn Herd jáne Makdonald araldaryna 10 paıyzdyq tarıf engizdi. Bul týraly Axios portaly habarlady, dep jazady Egemen.kz.
Herd pen Makdonald – adam meken etpeıtin, Antarktıdaǵa jaqyn, qar men muz japqan tabıǵı aýmaqtar. Araldar Avstralııanyń menshigi retinde sanalady jáne IýNESKO-nyń Búkilálemdik muralar tizimine engen. Tramp ákimshiligi osy araldardyń Avstralııaǵa tıesili ekenin negizge ala otyryp, olardy da kedendik baj salyǵyna salynatyn aýmaqtar tizimine engizgen. Herd aralynda adamdar XIX ǵasyrda ıtbalyq aýlaýǵa ári 1947-1955 jyldar aralyǵyndaǵy ǵylymı zertteýlermen ǵana barǵan.
Al Makdonald aralyn adamdar tek eki ret qana basyp ótken. Osy tabıǵı qoryq aımaǵy sırek kezdesetin qus túrleri men teńiz janýarlarynyń mekeni. Araldardy Avstralııa úkimetiniń Antarktıkalyq bólimi qatań qorǵalatyn tabıǵı aımaq retinde basqarady.
Eske sala keteıik, Donald Tramp AQSh-tyń 185 el men aýmaqqa tarıf engizetinin málimdedi. Bul tizimge Qazaqstan da kirdi.