Qyzylorda oblysy aýmaǵyndaǵy respýblıkalyq mańyzy bar Qarabutaq–Qyzylorda–Shymkent avtojoly boıynda jol qozǵalysy erejelerin buzǵandardy anyqtaýǵa ushqyshsyz ushý apparattary paıdalanylyp otyr, dep habarlaıdy Egemen.kz.
Oblystyq polısııa departamenti mamandarynyń dereginshe áýeden baqylaý arqyly júrgizilgen reıd barysynda jol erejesin óreskel buzǵan 27 júrgizýshi anyqtalypty. Olardyń ishinde qarsy jolaqqa shyǵyp, basyp ozý manevrin jasaǵandar da bar. Quqyq buzýshylarǵa qatysty hattamalar toltyrylyp, tıisti sheshim qabyldaý úshin Qyzylorda qalasynyń mamandandyrylǵan ákimshilik sotyna joldanǵan.
Jol qozǵalysyn áýeden baqylaý kúre joldyń apat jıi bolatyn bólikterinde júrgizilip jatyr. Osylaısha shaǵyn ǵana drondar jol-kólik oqıǵalarynyń aldyn alýǵa aıtarlyqtaı kómek berip otyr.