Qasym-Jomart Toqaev asa kórnekti jazýshy, dramatýrg, Qazaqstannyń Eńbek Eri Ákim Tarazıdiń qaıtys bolýyna baılanysty onyń jubaıy, Memlekettik syılyqtyń ıegeri Roza Muqanova men balalaryna kóńil aıtty, dep habarlaıdy Egemen.kz Aqordanyń baspasóz qyzmetine silteme jasap.
«Ákim Tarazı búkil sanaly ǵumyryn sóz ónerine arnaǵan, tól ádebıetimiz ben mádenıetimizdi tórge ozdyrǵan ultymyzdyń birtýar perzenti edi. Daryndy qalamger qazaq prozasynyń kókjıegin keńeıtti, ulttyq kıno jáne dramatýrgııa salasyna ólsheýsiz úles qosty. Asyl muratynan eshqashan aınymaǵan qalam ıesin kózi qaraqty oqyrman «Ádebıet áleminiń Ákimi» dep ardaq tutty, zııaly qaýym onyń shyǵarmashylyǵymen qatar adamgershilik qasıetterin erekshe baǵalady. О́negeli ómir súrip, sońyna mol mura qaldyrǵan Ákim Tarazıdiń jarqyn beınesi halqymyzdyń júreginde máńgi saqtalady», delingen jedelhatta.