Bul týraly Úkimet otyrysynda Energetıka mınıstri Erlan Aqkenjenov málimdedi, dep jazady Egemen.kz.
Mınıstrdiń aıtýynsha, 2024 jyldyń qorytyndysy boıynsha elde 59 mlrd tekshe metr gaz óndirilgen. Aldaǵy jyly ósim negizinen Qarashyǵanaq, Teńiz jáne Qashaǵan sııaqty iri ken oryndary esebinen qamtamasyz etiledi.
«2024 jyly taýarlyq gaz óndirý kólemi 28,7 mlrd, tekshe metrdi qurady. 2025 jylǵa arnalǵan óndiris jospary – 29,4 mlrd tekshe metr. 2025 jyldyń I toqsanynda 7,3 mlrd tekshe metr óndirildi», dedi ol. Sonymen qatar mınıstr 2024 jyly ishki naryqtyń qajettilikterine 21,2 mlrd tekshe metr jetkizilgenin aıtty. 2025 jylǵa boljanyp otyrǵan tutyný kólemi shamamen 21,3 mlrd tekshe metrdi quraıdy.Aıta keteıik, 2024 jyly suıytylǵan munaı gazyn óndirý kólemi 1,7 mln tonnany quraǵan. 2025 jylǵa arnalǵan jospar 1,7 mln tonna jáne 2025 jyldyń I toqsanynyń qorytyndysy boıynsha 2024 jylǵy tıisti kezeńmen salystyrǵanda shamamen 0,5 mln tonna nemese 107,7% óndirilgen.