EKSPO týrızmdi túrlendire ala ma?

EKSPO-2017 aıasynda Qazaqstandaǵy týrızmdi damytý múmkindikteri Ortalyq kommýnıkasııalar qyzmetinde  ótken baspasóz máslıhatynda talqylandy. Oǵan «Astana EKSPO-2017» UK» AQ keńesshisi Roza Asanbaeva, «Atameken» Ulttyq kásipkerler palatasy basqarma tóraǵasynyń orynbasary Gúlnar Qurbanbaeva jáne Qazaqstan Týrızm ındýs­trııasy odaǵynyń dırektory Inna Reı qatysty. Brıfıng barysynda aldaǵy EKSPO-2017 kórmesi elimizdiń týrızm salasyn damytýǵa mol múm­kindikter ashatyny aıtyldy. Iаǵnı, atalǵan kórmege shaqyrý arqyly sheteldikterdi elimizdiń basqa da aımaqtaryna  tartýǵa bolady. «Ulttyq kompanııa qol­da­nystaǵy týrızm jolbaǵdaryna keshendi taldaý júrgizdi. Onyń negizinde jalpy baǵyttar tizi­limi ázirlený ústinde, onda EKSPO-2017 kórmesin kórý sekildi múm­kindikter qamtylǵan. Bul jolbaǵdarlarǵa «Recommendedby EXPO» belgisi qoıylatyn bolady jáne olar týraly aqparat kompanııa saıtynda jarııalanady. Sondaı-aq, «Recommendedby EXPO» tizilimine engizilgen týr­paketterdi ilgeriletý jáne satý jóninde tripadvisor jáne  booking.com sekildi iri týrıstik portaldarmen kelissózder belsendi júrgizilýde», dedi Roza Asanbaeva. Bul belsendi jumys taıaýda ákimdik janynan qurylǵan «Astana Konvenshn Bıýro» dıreksııasymen birlese júrgiziletin bolady. Investısııalar jáne damý mınıstrliginiń zertteýleri boıynsha, kórmege keledi dep kútilip otyrǵan qonaqtardyń sany 2,1 mln. adamdy quramaq. Ulttyq kompanııa qyzmet kórsetip jatqan qonaqúılerdiń jalpy bólmeler qory 6,3 myńǵa teń keletinin anyq­taǵan. 2017 jylǵa qaraı qosymsha taǵy 73 qonaq úı salynady. Kórme qonaqtary  Astana­ny ǵana emes, sonymen birge, Qa­zaq­stannyń basqa da aımaqtaryna barady dep josparlanyp otyr. Týrısterdiń negizgi aǵyny Býrabaı shıpajaıynyń úlesine keledi dep kútilýde. Shıpajaıǵa barýdy qoljetimdi etý maqsatynda Astana-Býrabaı avtobany qyzmet etýde jáne Kókshetaý qalasynyń áýejaıy qaıta jańǵyrtylǵan. Qazirgi tańda Qazaqstannyń basqa aımaqtarynda jańa týrlar daıyndalyp, qoldanystaǵy týrlar jaqsartylýda. EKSPO brendiniń qoldaý kórsetýimen Jibek jolynyń qazaqstandyq bó­ligi boıynda «OrientExpress» sa­natyna jatatyn poıyzdy iske qosý máselesi qaralýda. Astanaǵa deı­in­gi ushaq bıletteriniń ishine EKSPO-2017 kórmesine barý­dyń qu­nyn kirgizý týraly «Eır As­­ta­na­men» jáne sheteldik áýe ­kom­pa­nııa­­larymen kelissózder júr­gizi­lýde. Roza Asanbaeva óz sózinde jer­gilikti týrıstik kompanııalar jáne de sheteldik kompanııalar tarapynan bul jumystarǵa belsendilik tany­týǵa turaqty qyzyǵýshylyq baı­qalyp otyrǵanyn atap ótti. Máse­len, birneshe qazaqstandyq týr­operatorlar qazirdiń ózinde týrıs­tik paketterge EKSPO-2017 kór­me­siniń bıletin qosý múmkin­di­gin qolǵa alyp jatqanyn atap ótti. «Astana EKSPO-2017» ulttyq kompanııasymen yntymaqtasýǵa álemdegi eń iri týroperator Tou­risticUnionInternational (TUI) da qyzyǵýshylyq tanytýda. Qazirgi tańda ulttyq kompanııa TUI  týr­operatorymen seriktestik týraly kelissózder júrgizýde, bul Eý­ro­panyń naryqtarynda EKSPO-2017 kórmesine barý múmkin­d­igin usynatyn Qazaqstanǵa baǵyt­talǵan týrıstik paketterdi satýǵa múmkindik bermek. Nemis opera­tory álemniń 180 elinen jyly­na 30 mıllıonnan asa tutyný­shyǵa qyzmet kórsetedi. Eýropa­nyń bir ózinde TUI kompanııa­syna 1800-den asa týrıstik agenttik tıesili. Halyqaralyq tájirıbe boıynsha EKSPO kórmesi sekildi aý­qymdy is-sharalardy ótkizý týrızm salasyn ǵana emes, sonymen birge, ekonomıkanyń basqa da sa­lalaryn damytýǵa qozǵaý salady. Statıstıkaǵa súıensek, 1 tý­rıst ózi kelgen el aýmaǵynda 1,5 myń dollarǵa jýyq qarjyny jum­sap, shamamen 6-12 adamdy ju­mys­pen qamtamasyz etedi. Osy­laı­sha kórmeni ótkizýden alynatyn nátıje orasan zor. Iаǵnı, ekono­mı­ka­nyń túrli salalary men elimiz­diń azamattary EKSPO-2017 kórmesin ótkizý kezinde qosymsha tabys tappaq. Dınara BITIKOVA, «Egemen Qazaqstan».