Almatyda semserlesýden Qazaqstan chempıonaty aıaqtaldy. Ulttyq olımpıada komıteti el birinshiliginiń jeńimpazdaryn jarııalady, dep jazady Egemen.kz.
Týrnırdiń sońǵy medaldary semsermen aıqasýda sarapqa salyndy.
Erler arasynda Shyǵys Qazaqstan oblysynyń sportshysy Vadım Sharlaımov el birinshiliginiń jeńimpazy atandy. Kúmis júldeni Shymkenttiń namysyn qorǵaǵan Elmır Álimjanov enshiledi. Qola medaldar shymkenttik Ǵabıden Mustafın men astanalyq Aleksandr Fedotovqa buıyrdy.
Áıelder arasyndaǵy jarysta júlde almatylyqtardyń qanjyǵasynda ketti. Sofııa Nıkolaıchýk jeńistiń birinshi tuǵyrynan kórinse, kúmis júldeni Polına Lısovskaıa enshiledi. Sofııa Aktaeva men Ýlıana Pıssova úshinshi orynǵa turaqtady.
Al jalpy komandalyq esepte Almaty quramasy úzdik boldy. Ekinshi orynǵa - Shymkent, úshinshi orynǵa - Qaraǵandy oblysynyń sportshylary jaıǵasty.