Parlament Senatynyń Tóraǵasy, Álemdik jáne dástúrli dinder lıderleri Sezi Hatshylyǵynyń basshysy Qasym-Jomart Toqaev Astanada ótip jatqan Toleranttylyq jáne kemsitpeýshilik jónindegi EQYU-nyń joǵary deńgeıdegi konferensııasyna qatysyp jatqan BUU Bas Hatshysynyń О́rkenıetter alıansy jónindegi Joǵarǵy ókili Jorje Sampaıomen kezdesti.
Kezdesý barysynda Qazaqstan men О́rkenıetter alıansy arasyndaǵy yntymaqtastyqty odan ári damytýǵa qatysty, onyń ishinde mádenıetaralyq dıalog salasynda Alıans júrgizip otyrǵan jobalardy júzege asyrý máseleleri boıynsha pikir almasyldy.
“Qazaqstan Alıanspen áriptestikti damytýǵa jiti nazar aýdarady jáne onyń maqsattary men mindetterin qoldaıdy. Elimizdiń Mádenıet mınıstrligi О́rkenıetter Alıansy aıasyndaǵy is-qımyldardyń Ulttyq josparyn jasaqtaýdy aıaqtaýda. Ol Qazaqstan Respýblıkasynyń Alıanspen yntymaqtastyǵyn odan ári damytýǵa tyń serpin berip, onyń ıdeıalaryn qazaqstandyq qoǵamda taratýǵa yqpal jasaıtyn bolady”,– dedi Q.Toqaev.
J.Sampaıo Qazaqstannyń órkenıetaralyq jáne jahandyq dinaralyq dıalogty ilgeriletý jolyndaǵy, toleranttylyqty nyǵaıtý men mádenıetterdi ózara jersindirýdegi mańyzdy rólin atap ótti.
BUU Joǵarǵy ókiliniń aıtýynsha, Qazaqstan Alıanstyń “Dostar tobynyń” belsendi múshesi retinde aımaqtaǵy qaýipsizdik pen turaqtylyqty nyǵaıtý jolynda naqty qadamdar jasaýda, dep habarlady Parlament Senatynyń baspasóz qyzmeti.