Býrabaıdaǵy erekshe jańalyq – zoobaqta zýbrobızon tóldedi. 2022 jyldan bergi alǵashqy tóli eken. Bul zoobaqqa ǵana emes, elimizdiń bıoalýantúr úshin úlken syı bolyp otyr.
Zýbrobızon – eýropalyq zýbr men amerıkandyq bızonnyń býdandasqan túri. Bul janýar dene bitimi myǵym, júni qalyń, basy iri bolyp keledi. Ortasha ómir súrý uzaqtyǵy – 25 jyl. Jetilgen buqalarynyń salmaǵy 900 kelige deıin jetedi.
Zýbrobızon álemde – Belarýs pen Kanadada ǵana kezdesedi. Tabıǵı ortada ómir súrmeıdi, tek qoryqtar men zoobaqtarda mekendeıdi. Sýyq aýa raıyna beıimdiligimen erekshelenetin bul janýar keıbir elderdiń Qyzyl kitabyna sırek býdan retinde engen.
«Býrabaıda týǵan tól ózin jaqsy sezinedi. Oǵan veterınar zor yqylaspen kútim jasap jatyr. Qazir zoobaqta tórt zýbrobızon bar. Olar — elimizdiń tabıǵatynda sırek kezdesetin, erekshe janýarlardyń biri», deıdi zoobaq qyzmetkerleri.
Býrabaı zoobaǵynda bul ǵana emes, túrli sebeppen qutqarylǵan, qamqorlyqqa alynǵan 30-dan astam janýar mekendeıdi.
«Zoobaq kún saıyn saǵat 10:00-den 18:00-ge deıin ashyq. Tabıǵatpen qaýyshyp, osy keremet janýardy kóremin deýshilerdi asyǵa kútemiz!», deıdi «Býrabaı damý» JShS baspasóz qyzmeti.