Osy jyldyń 1 mamyrdaǵy deregi boıynsha, jumyspen qamtýǵa járdemdesýdiń belsendi sharalaryna 157,8 myń adam tartylyp, 143,2 myń qazaqstandyq jumysqa ornalastyrylǵan, dep jazady Egemen.kz.
Eńbek jáne halyqty áleýmettik qorǵaý mınıstrligi sýbsıdııalanatyn jumys oryndaryna mansap ortalyqtary arqyly 106,3 myń adam jibergen. Onyń ishinde: áleýmettik jumys oryndarynda 9,6 myń adam, jastar praktıkasynda 6,6 adam, qoǵamdyq jumystarda 78,3 myń adam, «Kúmis jas» jobasy aıasynda 11,1 myń adam, «Alǵashqy jumys orny» jobasy boıynsha 680 adam, «Urpaqtar kelisimsharty» jobasy sheńberinde 33 adam jumyspen qamtylǵan.
Eńbek naryǵyndaǵy suranysqa ıe daǵdylar boıynsha 36,6 myń jumyssyz onlaın oqytylǵan, onyń 34,5 myńy oqýdy aıaqtaǵan.
Al «Bastaý Bıznes» jobasy boıynsha kásipkerlik negizderine oqytýmen 14,1 myń adam qamtylǵan, 7,3 myń adam oqýdy aıaqtap, sertıfıkat alǵan.
Jumys berýshilerdiń ótinishi boıynsha kásiptik oqytýǵa 802 adam jiberildi, onyń ishinde 51 adam oqýdy aıaqtady.
Budan bólek qyzmet salasyn tańdaý maqsatynda kásiptik ortalyqtarda 140,7 myń adam áleýmettik kásiptik baǵdarlaýdan ótip, keńes alǵan.
«Azamattardy jumysqa ornalastyrý birneshe baǵyt boıynsha júzege asyrylady. Olardyń naqty jumys istep jatqany mindetti zeınetaqy jarnalarynyń aýdarylýymen rastalady. Máselen, 2025 jylǵy 1 mamyrda 143,2 myń adam jumysqa ornalastyryldy, onyń ishinde: halyqty jumyspen qamtýǵa járdemdesýdiń belsendi sharalary sheńberinde – 87,8 myń adam; Elektrondyq eńbek bırjasynda jumys berýshiler ornalastyrǵan bos bos oryndarǵa – 31,7 myń adam; Memleket basshysynyń «10 myń turǵynǵa 100 jumys orny» bastamasy sheńberinde – 23,6 myń adam. Ortalyq memlekettik organdar iske asyratyn jobalar sheńberinde – 42 adam», delingen mınıstrlik habarlamasynda.
Sonymen qatar, jańa bıznes-bastamalardy iske asyrý úshin 2025 jyly halyqtyń áleýmettik osal sanattaryna jańa bıznes-bastamalardy iske asyrý úshin 400 AEK (1 572 800 teńge) deıingi mólsherde 9 myń grant berý josparlanyp oytr. Grant alýǵa úmitkerlerden ótinimderdi qabyldaýdyń birinshi legi 2025 jylǵy 21 mamyr men 3 maýsym aralyǵynda ótedi.