Túrkııanyń Antalıa qalasynda 14-18 mamyr aralyǵynda kıkboksıngten Álem kýbogy úshin bolǵan jarysta Qazaqstan qurama komandasynyń qatarynda kúresken qyzyljarlyq Aslan Asylbekov óz salmaq kategorııasy boıynsha besinshi ret chempıon atanyp, kýbokty jeńip aldy.
Bul jarysqa álemniń 41 elinen 2549 sportshy qatysty. Sonyń ishinde Qazaqstan komandasynyń quramynda 102 palýan óner kórsetti. Buryn mundaı jarystarda tórt ret chempıon bolǵan Aslan 60 kg salmaq kategorııasynda qarsylastaryn shydatpady. Onyń jattyqtyrýshysy Dastan Qabdenov. Qurama komanda qatarynda kúresken taǵy bir soltústikqazaqstandyq Danııar Jarasov qola medal aldy.
PETROPAVL