QOS QANAT

Jarkent je­ri tabıǵaty ásem, tarıhy baı óńir ǵoı. Otanymyzdyń shyǵysyn­daǵy eń shetki shekara sanalatyn bul aımaq sonymen qatar talaı-talaı oqıǵalarǵa da kýá. Este joq eski zamandardy aıtpasańda bertingi dáýirlerdiń ózinde munda biraz kúrmeýi kóp kúrdeli jaǵdaılar bolǵan. Sondaı syn sátter Jarkent eliniń erlik dástúrin qalyptastyrǵan. Eńbekke degen shydamdy­lyǵyn shyń­dap, adamgershilik atty asyl qasıetke adal azamattarynyń atyn shyǵarǵan. Buǵan mysal kóp. О́te kóp! Biz búgin soǵan dálel retinde osy kúni keshe aramyzda júrgen qos azamatty sóz etpekpiz. Olar: Ádilshaıyq Ybraıymoldaev pen Azat Mashýrov edi. Ádekeń týraly tilge tıek etkende aldymen onyń alǵyrlyǵy, qashan da shalt qımyldap, shap­shań she­shim qabyldaıtyndyǵy birden eske túsedi. Ádette, ondaı áreketke beıim adamdar kóbine-kóp qatelikke boı aldyryp jatady emes pe? Al ol kisiniń isinde mundaı jaǵdaı az, tipti múlde kezdespeıdi dese de bolady. О́ıtkeni ony ómirdiń ózi shyńdap, ózi tár­bıelep, sanasyna mol taǵy­lymyn tereń sińirgen dese de artyq emes. Orta mektepti bitirgen soń tórt jyldaı týǵan sharýashylyǵynda qara jumys istep, sodan soń Qazaqtyń aýyl sharýashylyǵy ınstı­týty­na oqýǵa túsken. Odan ınjenerlik mamandyq alyp shyǵyp, óz aýylyndaǵy máshıne-traktor stansa­synda eńbek etken. Týmysynan shıraq, iske myǵym jigerli jas uzamaı-aq basshylyqtyń nazaryna iligip, bas ınjenerlikke joǵarylatylǵan. Odan keıin “Oktıabr” keńshary partııa uıymynyń hatshysy, et kombınatynyń dırektory, “Kóktal” keńshary­nyń dırektory, aýdandyq agroónerkásip birlesti­giniń tóraǵasy, Taldyqorǵan aýdanyndaǵy “Zarıa kommýnızma” keńsharynyń dırektory, taǵy basqa da birqatar mańyzdy tetikterdegi laýazymdar­dyń tutqasyn ustaǵan. Qashan da barshylyqqa tas­paı­tyn, joqshylyqta saspaıtyn ol qandaı istiń bol­syn kúrmeýin sheshe bilip, aınalasyndaǵylardy ortaq izgi maqsatqa jumyldyra biletin. Qajet kezinde aqyryn aıtyp ta, batyryp aıtyp ta sózin ótkizetin. Biraq eshqashan qarapaıymdylyǵynan aınyǵan emes. Úlkenmen – úlkendeı, kishimen – kishideı til taby­satyn. Tipti esimi elge áıgili ǵalymdar men tilimen qus qaıyrǵan aqyn-jazýshylardyń ózi Ádekeńniń bilimi men biligin, syrbazdyǵy men suńǵylalyǵyn moıyndaıtyn. Mundaı adamı asyl qasıetteri týraly aqtaryla aıtyp otyrǵanym – men de sol aǵamyz týǵan aýyl­da ósip-ónip, sol óńirdiń aýasymen tynys­taǵanmyn. Es bilgeli ol kisi týraly el-jurttan jaqsy pikir estip, eliktep óskenmin. Keıinnen “Oktıabr” keń­shary partııa uıymynyń hatshysy kezinde qyz­mettik kólik júrgizýshisi bolǵanda tipten etene ara­lastym. Aǵamyzdyń ózgelerdi óz isine baýraı, baý­lı biletindigi sonshalyq, júre kele men partorg­tyń shofery ǵana emes, dál bir partııa uıymynyń nusqaýshysy deńgeıine jetkenimdi keıin ańǵardym. О́zi qat-qabat qarbalas sharýalarmen bas ala almaı jatqan kezinde meni jeńil-jelpi qoǵamdyq jumys­tarǵa da jegip jiberetin. Sóıt­sem, jaryq­tyq­tyń: “Jas qoı, jan-jaqty jetilip úırene bersin”, degen qamqorlyǵy eken ol. Qa­zirgi kúnderi jan-jaqty bolyp belgili bir deńgeıge je­týi­me sol kezde-aq negiz qalana bastaǵan eken baıqap tursam. Ádekeńniń qaıratkerliginiń sharyqtaý shyńy ásirese, sonaý táýelsizdigimiz táı-táı basqan alǵash­qy kezeńde aıqyn ańǵaryldy. Elbasymyz N.Á.Na­zar­baev bir sózinde aıtqandaı sana-sezimniń shıele­nisi men shıryǵýy erekshe bolǵan 90-shy jyldary Ádekeń týǵan óńiri Panfılov aýdanynyń eń al­ǵash­qy ákimi bolyp taǵaıyndalǵan bolatyn. Eski men jańa taıtalasqan sol bir alasapyran kezeńde ol óziniń naǵyz týǵan jeriniń patrıoty, el úshin týǵan er ekendigin kórsetti. Qarym-qabileti men uıym­dastyrýshylyq qasıeti bar qyrynan jarqyraı ashyldy. Qysyltaıań kezde halyqqa eń keregi nan ekenin uǵynǵan ol aýdanda kúrt betburys jasap, eldi eginshilikke, onyń ishinde eń qaj­­ettisi – bıdaı egýge beıimdedi. Ol kez­de kólik júrgizýshiliginen jo­ǵarylap, ar­naıy oqý ornyn biti­rip, mehanık, garaj meńgerýshisi, bas ın­je­ner, partııa uıymynyń hatshysy baspal­daq­tarynan ótken men aýdandaǵy Lenın atyndaǵy keń­sharda dırektor edim. Ádekeń ózi de damyl tappaı, biz sııaqty sharýashylyq basshylaryna da tynym kórset­peı el qamy jolyndaǵy ıgilikti iske jumyl­dyrdy. Aqıqatyn aıtý kerek, aýdanymyzda aıanbaı eńbek etken Asylmurat Turǵanbekov degen abzal azamat Qazaq KSR Joǵarǵy Keńesiniń depýtaty kezinde Jarkent jerine “Erkin ekonomıkalyq aımaq” mártebesin áperý­diń quqyqtyq negizin qalady. Al ony is júzinde paıda­laný jumysyn tikeleı Ádekeń júzege asyrdy. Ol kezde memleketimizde bizdiń aýdannan basqa eki-aq jerde ǵana osyndaı aımaq bar edi. Biri qazirgi Parlament Máji­lisi­niń vıse-spıkeri Muhambet Kópeı basqarǵan Jáı­rem óńirinde, ekinshisi Indýstrııa jáne jańa tehnolo­gııalar mınıstriniń birinshi orynbasary Albert Pav­lovıch Raý jetekshilik etken Lısakov jerinde qurylǵan edi. Osy qurylymdar arasynda tyǵyz iskerlik baılanys bolýy isti ilgeriletýge óziniń ıgi áserin tıgizdi. Onyń artyqshylyǵyn paıdalanýda Ádekeń óziniń tapqyrlyǵy men iskerligin meılinshe molynan qoldandy. Qolda bardy uqsatýǵa tyrysyp, Jarkent jerinde kóterme bazar salǵyzý arqyly aýdan bıýdjetine qyrýar qarjy quıǵyzdy. Osy óńir arqyly kún saıyn ary-beri aǵylyp ótip jatatyn júzdegen avtokólikterdiń ekologııaǵa tıgizgen keri áseri óteýin qaıtarýdy da qadaǵalady. Qashan da jańalyqqa jany qumar, tyńnan túren salýǵa talpynǵysh Ádekeńniń sol bir kezderi Almaty, Tal­dyqorǵan sekildi qalalarda oqyp júrgen jarkenttik jas­tarǵa jasaǵan jaqsylyǵy tipten tamsandyrarlyq. Ozat stýdentterge aýdannan shyqqan ataqty óner, bilim, ǵy­lym, eńbek maıtalmandarynyń atyndaǵy shákirtaqy ta­ǵaıyndatyp bergizdi. Jylyna eki ret mereke kezinde ar­naıy avtobýstar jiberip, olardy aýyldaryna tegin tasy­maldaýdy uıymdastyrdy. Qazirgi kúnderi egemen elimizdiń túkpir-túkpirinde ár salada qyzmet etip júrgen bir kez­degi sol bozbalalar men boıjetkender búginde Áde­keńdeı el aǵasynyń ákelik qamqorlyǵyn eljireı eske alady. Ádilshaıyq Ybraımoldaulynyń esimi sonymen qatar sonaý 1993 jyly búkil alty alashqa saýyn aı­typ, ulttyq rýhty tiriltken mańyzdy qadammen qal­dy. Bul jaı basqosý emes, rýhanı jan dúnıemizdiń jańǵyrý toıy edi. Negizgi ıdeıasyn kórnekti jazýshy Beksultan Nurjekeuly kóterip, sol kezdegi Premer-Mınıstrdiń orynbasary Qýanysh Sultanov qoldaǵan jáne Taldyqorǵan oblysynyń ákimi Serik Aqym­bekov basy-qasynda bolǵan ataqty Orbulaq shaıqasy­nyń 350 jyldyǵyna arnalǵan tarıhı-mádenı shara­ny Premer-Mınıstr Sergeı Tereshenko qazaq tilin­de kirispe sóz sóılep ashyp, kemeńger qalamger Ábish Kekilbaev keńinen tolǵap sóz sóıledi. Egemen elimiz­­diń tuńǵysh Qorǵanys mınıstri, Keńes Odaǵynyń Batyry, Saǵadat Nurmaǵanbetov oqpana qazý arqyly taktıkalyq utymdy tásil jasap, negizgi kúsh kelgenshe ózderinen orasan kóp jaýdyń jolyn janqııarlyqpen bógep, oısyrata shyǵynǵa ushyratqan jaýjúrek baba­larymyzdyń batyrlyǵy jóninde baıan etti. Taý sile­min­de tizile turǵan egemendi elimizdiń sarbazdary salıýt atyp, batyr babalarymyzǵa taǵzym etkeni tip­ten áserli boldy. Beljaılaýdyń tórinde bes júzden astam aqshańqan kıiz úı tigilip, bar sán-saltanatymen ótken bul toıdan qalǵan belgi retinde qazir sonda orna­tylǵan jıyrma tonnalyq granıt tas alystan menmundalaıdy. Onda osy tarıhı oqıǵanyń mán-mańyzy jazylǵan tot baspaıtyn temir taqta shegen­delip bekitilgen. Reti kelgende aıta ketý kerek, ózimiz sóz etip otyrǵan osy toı sharasynyń ázirliginen bastap aıaqtalǵanyna deıin sol kezdegi Qazaq tarıhı eskert­kishterin qorǵaý qoǵamynyń tóraǵasy Muq­medqasym Shákenov kóp eńbek sińirgen edi. El úshin, eliniń qazirgi qamy men tarıhı jady úshin janyn aıamaıtyn Ádekeń sol kezderi: “Ákim bol, halqyńa ja­qyn bol”, – degen qaǵıdany buljytpaı oryndap, ózi­ne de, el bıliginde júrgen ózgelerimizge de qa­tań talap qoıatyn. Taldyqorǵanǵa kelgen bir saparynda Elbasymyz ákimderdiń el-jurttyń jaǵdaıy jaıly esebin tyńdapty. Sonda Ádekeń ózine tán jigerli de ashyq daýysymen aýdan týraly jan-jaqty aıta kelip, tek jaǵymdy derekter men dáıekterdi ǵana tilge tıek etýmen qatar barlyq aýyrtpalyqty, tipti qylmys jasap, isti bolǵandar jóninde, olardyń qaıda, qandaı jaǵdaıda ekendigi jaıly da naqty mysaldarmen aıtyp beripti. Ony estigen Nursultan Ábishulynyń ózi: “Na­ǵyz ákim degen osyndaı bolady”, – dep Izraıldiń ozyq isterimen tanysý saparyna birge aparǵan eken. Is barysynda aıbarly kórinetin Ádekeń jaı­shylyqta óte jaıdarly edi. Qalt etkendi qaǵyp túser qyrǵı tili ázil-qaljyń aıtqanda tipti ýytty-tyn. Týǵan-týys, qurby-qurdas arasynda erekshe baýyrmal bolatyn. Án de aıtyp, dombyra da tartatyn. Úlkenge izetti, kishige qamqor edi. Olarǵa senim artyp, jige­rine-jiger, qaıratyna-qaırat qosatyn. Ol kisiniń úlgi-ónegesimen, shyńdaýymen shırap ósken Baýyrjan Qasenov, Azat Ábdikárimov, Aqan Ospa­nov, Dáýlet Naı­mantaev, Toqtarbaı Kerimqulov, Marat Saǵym­bek, Nurádil Begimbet, Qanat Dosmaıylov, О́ken Tólep­bekov, Jaıyq Qurmanbekov, Alman Ospanov syndy birtalaı azamattar kezinde bir-bir mekeme, sharýashylyq, okrýg, aýdandy basqarǵan. Qazir olardyń aldy res­pýblıkamyzdyń In­dýstrııa jáne ja­ńa tehnologııalar mı­nıstrliginde, qal­ǵan­­dary ár alýan deń­geı­degi is basynda tizgin ustap otyr. Ádekeńdi qara­pa­ıym halyqtyń qan­­shalyqty qurmet­teıtinine bir mysal sol: ol kisi burynǵy Taldyqorǵan, qazirgi Eskeldi aý­danyndaǵy “Zarıa kommýnızma” keńsharynda dırek­tor bolǵan kezdegi kóz kórgenderi qaıtys bolyp ketken soń onyń atyna óz aýyldarynan bir kósheniń atyn berip­ti. “Jaqsynyń jattyǵy joq”, – degen osy bo­lar, sirá! Onsha kóp merzim bolmasa da az ýaqyt ishin­de eldiń yqylasyna bólengen Ádekeńniń esimin olar osylaısha ulyqtady. Qazir ózi tuńǵysh ákim bolǵan Panfılov aýdanynyń ortalyǵy – Uly Jibek joly boıyndaǵy ejelgi de jas Jarkent qalasynyń úlken bir kóshesi de ol kisiniń esimimen atalady. Iá, adamdar jerdi gúldentse, Jer-Ana adamdardy ósirdi, dańqqa bóledi, ataq-abyroıyn asyrdy. Aý­dany­myzǵa qatysty áńgime bolǵanda biz muny qaı­talaýdan eshqashan jalyqpaımyz. О́ıtkeni óńirimizde ómirge kelip, týǵan jerimen jáne týǵan elimen etene ósken Ádilshaıyq Ybraıymoldauly sekildi azamattarymyz osynda eńbekpen eseıip, kúlli elimizge tanyldy, memlekettik marapattaýǵa ıe boldy. * * * Azat Ma­­shýr­uly Mashýrov ta os­yn­daı jarkenttik jaısań jandardyń biri ǵana emes, biregeıi edi. Ol kisiniń eńbek joly da osynaý Qydyr daryp, kıe qonǵan týǵan top­y­ra­ǵymyzda bastalyp, bıik baspaldaqtarǵa kóterildi. Qarapaıym motorıst bolyp júrip, Semeı maldári­ger­lik ınstı­týtyna oqýǵa túsipti. Ony aıaqtasymen týǵan jerinde bilikti maman retinde tanylyp, qyzmet baspaldaq­tary­men joǵarylaı bastaıdy. Atap aıtqan­da aýdanymyzdyń Sholaqaı, Kóktal eldi mekenderin­degi sharýashylyqtarda basshy bolǵan. Kele-kele aýdandyq atqarý komıtetiniń tóraǵasy qyzmetin at­qarǵan. Bola­shaǵy zor bilikti maman, parasatty qyz­met­ker retinde úlken senimge ıe bolyp, arnaıy jol­damamen Joǵarǵy partııa mektebinde oqyǵan. Taldy­qorǵan oblysyndaǵy Alakól aýdandyq partııa komı­tetiniń birinshi hatshysy bolyp, onda da zor tabysqa jetken. Men sol kezde ózimmen jasy qaraı­las, qyzmeti deńgeıles, áskerı boryshymdy Moń­ǵolııa­da birge ótegen “Janama”, “Ilıch” keńsharlary­nyń dırektory bolǵan Sıyrbaev Bolatpen aralas-quralas bolyp turatynmyn. Ol arqyly “Sosıaldy” keńsha­ry­nyń dırektory Bútinshinov Kelis, Kırov atyndaǵy ujym­shar­dyń tóraǵasy Nııazov Nur­lan, taǵy bir keń­shar­dyń dırek­tory Imanqulov Amantaı, Azat Mashýr­ulynyń tikeleı kó­mek­shisi, ári aýdandyq par­tııa komı­teti jalpy bóli­miniń meńgerýshisi qyzmetin at­qarǵan Qanat Núsipov jáne aýdan­dyq bilim bóliminiń meńge­rýshisi Qońyrjaı Qystalasova sııaqty qyzmetkerler­men jıi-jıi aralasyp, Alakóldiń tynys-tirshiliginen habardar bolyp turatynmyn. “Azat aǵamyz kadr saıa­satyn óte ádil júrgizdi. Syrttan eshkimdi alyp kelmeı, Alakóldiń óz jas­taryn ósirdi. О́zi de egis alqabynda sharýa kıimin kıip kelip, buryn kúrek­pen sý jaǵalaıtyn bizdiń aıaǵymyzǵa rá­zińke etik kıgizip, qoly­myz­ǵa ketpen us­tatýdy úıretti. Pan­fılov aýdanynda mal borda­­qylaý salasynda qa­lyp­tasqan ozyq táji­rıbelerdi Alakól­ge alyp kelip, tabys tasqynyn tasqyn­datty”, – deıtin olar. Nıettes azamattardyń osynaý oı-pikiriniń jarqyn dálelindeı sol kezde Alakól aýdany jaqsy jetistikteri úshin tuńǵysh ret SOKP Ortalyq Komıtetiniń aýyspaly Qyzyl Týyn jeńip alǵanda jerles aǵamyzdyń jetekshiligimen jetken bul tabysqa biz de shyn júrekten qýanǵanbyz. Sekseninshi jyldardyń sońynda Azat aǵamyz Pan­fılov aýdanyndaǵy Kalının atyndaǵy sharýashy­lyqty basqarýǵa kelip, ómiriniń sońǵy jyldaryna deıin týǵan jerinde qajyrlylyqpen eńbek etti. Buryn ataǵyn alystan estip, ish tartyp júretin ol kisimen osy kezderi men Lenın atyndaǵy keńsharda dırektor kezim­de áriptes bolyp qatar qyzmet jasap, etene ara­lastym. Jalpy, Azat Mashýruly – kóregen adam-tyn. Ol zamannyń aýmaly-tókpeli alasapyran jaǵdaıyn jiti qadaǵalap, soǵan oraı durys qadam jasaı bildi. Keń­shardyń esep shotyndaǵy mıllıondaǵan somdy, ıaǵnı, “óli” aqshany aınalymǵa túsirip, qun­syzdanýǵa jetkizbeı el ıgi­ligine, halyqtyń áleý­met­tik ahýa­lyn kóterýge jumsady. Sóı­tip, aýyldy ajar­lan­dyryp, adamdardyń ál-aýqatyn arttyrdy. Aqıqatyn aıtsaq, sol kezde aýdanymyzdyń basqa sha­rýa­shylyq­ta­ryn­da budan da kóp qarjy qory bar edi. Biraq, zamannyń betalysyn durys baǵamdamaǵan olar utylyp qalǵanyn kózimiz kórdi. Azat aǵamyz eń aldymen halyqtyń áleýmettik ahýalyn, ár otbasynyń turmys-tirshiligin, soǵys arda­gerleriniń, jalǵyzbasty adamdardyń, kóp balaly ana­lar­dyń, jastardyń jaǵdaıymen tanysyp, tolyq talqydan ótkizdi de soǵan saı tıisti jumys jasady. Jastardy da jınap, olardyń kóńil-kúıin bildi. Oılaryn tyńdap, óz pikirin aıtty. Sóıtti de aldaryna úlken maqsat qoıdy. Týǵan aýyldaryn: “Mynaý men týyp-ósken meken”, – dep maqtanyshpen ataıtyndaı deńgeıde bolýy kerektigin túsindirip, is júzinde ony kórsete bildi. Azekeńniń basshylyǵymen sol kezderi aýyldardyń joldary túgel asfalttalyndy. Jaılaýǵa baratyn, sút fermalaryna aparatyn soqpaqtarǵa tolyq shaǵyl tóselip, jaıly joldarǵa aınaldy. “О́li razy bolmaı, tiri baıymaıdy”, – degen qaǵıdany qa­pe­rinde ustaǵan aǵamyz Penjim aýylyndaǵy zı­rat­tardyń aınalasyn qorshatyp, kóshet otyrǵyzyp, jú­rginshiler júretin joldy asfalttatty. Aýdanda tuń­ǵysh ret soǵys ardagerlerine arnalyp, ushar basynda jarqyraǵan jarty aıy bar musylmandyq eskertkish ornatyldy. Penjim aýylynyń ortalyq alańy, Mádenıet úıiniń mańy qyzyldy-jasyldy gúlge oranyp, qaly kilemshe qulpyrdy. Túnde samaladaı jarqyraǵan jaryq shamdar aýyldyń sáýletin tipten arttyra tústi. Keń-baıtaq respýb­lı­kamyzdyń shyǵys shekara shebinde or­na­las­qan­dyqtan kórshi elge barys-kelis jasap júrgen jolaýshylardyń jol boıyndaǵy osynaý ásem kóriniske tamsanbaǵandary kemde-kem bolǵan shyǵar sol kezderi. Osy arada aıryqsha bir aıta ketetin jaıt sol, Azekeń Penjim aýylyn kókteı ótetin Uly Jibek jolynyń boıyndaǵy sándi saýda ortalyǵynyń aldyna qazaq halqynyń uly aǵartýshy ǵalymy, jıhanger saıahatshysy Shoqan Ýálıhanovtyń kórnekti de eńseli músinin ornatqyzdy. Kezinde mámilegerlik mıssııamen Quljaǵa barǵan Reseı úkimeti áskerı delegasııa­sy­nyń quramynda bolǵan bul uly babamyz sol sa­pa­rynda osy aýylǵa taıaý Aqkent shaharyna túnegen eken. Tarıhı jadysy tereń, zeıindi de zerek Azat aǵamyzdyń osy izgilikti isine qalaı rıza bolmassyń! Qazir bul eskertkish aýyldaǵy Mádenıet úıiniń aldyndaǵy kórnekti jerge kóshirilgen. Ǵulama babamyz beınesi kezinde ulttyq turmys-salty men ádet-ǵurpyna ózi zertteý júrgizgen baýyrlas aǵaıyndardyń baıyrǵy qazaq jerindegi beıil-berekeli ómirine bıikten oılana qarap tur búginde. Azekeńniń bastamasymen sol tusta kolhozda “Shat­lıq”, “Týǵan jer” dep atalatyn ult-aspaptyq ansamblder qurylyp, keńshar ónerli órenderdiń óreli ordasyna aınaldy. Olar tipti aýdan, oblys kóleminen asyp, respýblıkaǵa da tanymal boldy. Shekara asyp, Polsha, Portýgalııa, Qytaı, Qyr­ǵyz elderinde óner kórsetti. Sóıtip, sheteldikter de kezinde keń-baıtaq Qazaqstannyń ońtústik-shyǵys qıyr shetindegi qarapaıym kolhoz ónerpazdarynyń konsertine qushyrlana qol soqqan. Azekeńniń syrt kelbeti has batyrǵa qalaı uqsasa, is-áreketi de dál solaı qaharmandyq qımylǵa toly bolatyn. Azat Mashýrulynyń el aldyndaǵy eseli eńbegi, qoǵamdyq qyzmeti keńestik kezeńdegi memle­kettik orden, medaldarmen atap ótildi. Al eń basty jetistigi – ol kisiniń esimin kúlli aýdan, tipti búkil Jetisý jeriniń jurtshylyǵy qashan da ystyq iltı­patpen, erekshe qurmetpen ataıdy. Aýyl sharýashy­lyǵy óndirisiniń iri uıymdastyrýshysy jáne belgili qoǵam qaıratkeri retinde maqtan tutady. * * * Jalpy, eki aǵamyzdyń da el qyzmetinde eren eńbegimen tanylyp, erekshe kózge túsýinde olardyń qashan da, qaı kezde de qasynan tabylyp, jan jary ǵana emes, súıenishi, janashyry bola bilgen marqum Maıra jeńgemiz ben búginde salıqaly ana atanyp otyr­ǵan Dúrnám tátemizdiń eńbegi óte zor. Qos aǵa­myzdyń bala-shaǵasy da tárbıeli bolyp ósip, áke­leriniń ataq-dańqyna qylaý túsirgen joq. Búginde Áde­keńniń Tal­ǵaty – keden qyzmetkeri, Nazary – Ile aýdany­nyń prokýrory, Gúlǵaıshasy – qazyna­shy­lyq qyzmetkeri, Gúljany da – esep-qısap sala­synda. Al Azekeńniń uly Dilshat ta shet elde osy zamanǵy ozyq úlgige saı bilimin jetildirip kelip, elimizde belsendilikpen eńbek etip júr. Bir qyzy Múkáram – dáriger. Dılıaramy da qoǵamymyzdan laıyqty oryn tapqan. Iá, biz jarkenttikter, Ádilshaıyq Ybraıym­ol­daev pen Azat Mashýrov sııaqty aǵalarymyzdy ár­qashan maqtap qana qoımaımyz. Sonymen qatar, olardy maqtanysh etemiz. Bir ózi bir dáýirge tán bar­sha ıgi qasıetti boıyna sińirgen, zamanynyń moıny ozyq azamaty bola bilgen mundaı aǵa­la­ry­myzdy ónege etpegende, kimdi ónege etemiz?! Olardyń taý­daı tulǵasy, jarqyn isi jas urpaq úshin úzdik úlgi. Ermek KELEMSEIIT, Panfılov aýdanynyń ákimi. Almaty oblysy.