Aqordadan Ulytaýǵa aqjoltaı jańalyq jetti. QR Prezıdenti Qasym-Jomart Toqaev, Qazaqstannyń halyq ártisi, Ulytaý oblysynyń Qurmetti azamaty Qaırat Baıbosynovqa «Qazaqstannyń Eńbek Eri» ataǵyn jáne «Sátbaev qalasynyń Baýbek Bulqyshev atyndaǵy ortalyqtandyrylǵan kitaphana júıesi» KMM dırektory Gúlnar Qojahmetovaǵa «Eren eńbegi úshin» medalin tabys etti, dep habarlaıdy Egemen.kz.
Mádenıet jáne óner qyzmetkerlerin marapattaý rásimine qatysyp, Memleket basshysynyń qolynan laıyqty baǵasyn alǵan qos marapat ıesin Ulytaý oblysynyń ákimi Dastan Ryspekov quttyqtady.
«Mártebeli marapattar – oblysymyzdyń mártebesin asqaqtatyp, barshamyzdy qýanyshqa bóledi. Bul – jerlesterimizdiń uzaq jylǵy eńbekteriniń elenip, mádenıet pen ónerge sarp etken altyn ýaqyttarynyń joǵary baǵasyn alǵanyn kórsetedi», dedi aımaq basshysy.
Ulytaý oblysy