Búgin elimizdiń barlyq mektebinde bir mezgilde «Bilimim - Otanyma» biryńǵaı synyp saǵaty ótti. 2024-2025 oqý jylyn sala mınıstri qorytyndylady, dep jazady Egemen.kz.
Prezıdent bastamasymen elimizde bir jyl ishinde rekordtyq kórsetkish - 257 jańa mektep ashylǵan. Qazaqstan oqýshylary halyqaralyq bilim dodalarynda 362 medal ıelengen, onyń 41-i - altyn medal.
«El tarıhynda alǵash ret kolledj stýdentterinen quralǵan Qazaqstannyń Ulttyq quramasy Fransııada ótken 47-shi WorldSkills chempıonatynda zor tabysqa jetip, 7 medalon ıelendi. Munyń barlyǵy otandyq bilim berý júıesindegi júıeli reformalar men qajyrly eńbektiń naqty jemisi», dedi Oqý-aǵartý mınıstri.
Mınıstr bıyl bilim berý salasynda alǵash ret birden eki pedagog - Gúljanar Nurpeıisova men Elmara Traısova «Qazaqstannyń Eńbek Eri» ataǵyna ıe bolǵanyn erekshe atap ótti.
Osy jyldaǵy mańyzdy bastamalardyń biri balalardyń quqyqtaryn qorǵaý júıesiniń nyǵaıa túsýi. Memleket balalardyń bilim, tárbıe alýyna, damýyna jáne olardy qorǵaýǵa baǵyttalǵan úsh negizgi zań qabyldady. Sondaı-aq mınıstr barlyq ata-analǵa kórsetken qoldaýlary úshin alǵys aıtty. 217 myń mektep bitirýshi men 173 myń kolledj túlegine jarqyn bolashaq tilep, barsha shákirtti oqý jylynyń aıaqtalýymen quttyqtady.