Shyǵys Qazaqstan oblysy ákiminiń júldesi úshin Uly Jeńistiń 65 jyldyǵyna arnalǵan HIV halyq oıyndary máresine jetti. 5 qala, 14 aýdan ókilderi qatysqan aýyl sportshylary halyq oıyndarynyń onnan astam túri boıynsha júldelerdi sarapqa saldy. Nátıjesinde qalalar arasynda óskemendikter 375 upaımen top jaryp, kýbokty jeńip aldy. Ekinshi, úshinshi oryndardy tıisinshe Semeı men Zyrıan qalasynyń túlekteri bólisti.
Al aýdandar arasynda bıyl taǵy da Jarma aýdanynyń ókilderi aǵaryp aldan kórindi. Kókpekti men Tarbaǵataı aýdandarynyń sportshylary ekinshi jáne úshinshi oryndarǵa taban tiredi. Bıyl qyz qýý, báıge, qazaq kúresi, gir kóterý, júgirý, basqa da jarystarda Ulan, Glýbokoe, Úrjar, Shemonaıha, Besqaraǵaı, Katonqaraǵaı, Zaısan, Aıagóz aýdandary birshama táýir nátıjelerge qol jetkizdi. Alaıda, keıbir aýdandarda ulttyq oıyndardyń deńgeıi tómendep ketken. Osy sebepti, qala men aýyldar arasynda sabaqtastyq qalyptastyrý úshin týrızm basqarmasy basshylary aýyldarǵa jıirek baryp, halyq oıyndarynyń alǵa basýyna nazar aýdarýlary tıis.
Alaman báıgede top jarǵan kýrchatovtyq N.Absalıamovtyń “Bonapart” tulpary “Jıgýlı” kóligin jeńip aldy. Basqa da jeńimpazdar baǵaly syılyqtarmen marapattaldy.
Shyǵys Qazaqstan oblysy.