«Qazaqstan balalaryna» atty Balalardy qorǵaý kúnine arnalǵan sharalar Qyzyljarda E.Serkebaev atyndaǵy ónerde daryndy balalarǵa arnalǵan mekteptiń «Erke sylqym» kúıin oryndaýymen bastaldy, dep jazady Egemen.kz aqparat agenttigi.
«Jas daryn» óner mektebiniń oqýshylary da óz ónerlerin kórsetip baqty. «Meniń qaýipsizdigim óz qolymda» atty tanymdyq-tanystyrmalyq qaýipsizdik oıyndarynyń da qyzyqtary balalardy máz qyldy. «Batyl órt sóndirgishter», «Evakýasııa», «Koster» sııaqty oıyndar da balalardyń qyzyǵýshylyǵyn arttyra tústi. Balalardy jaqsy isterge baýlýdy maqsat etken bul oıyndar jas órenderdiń júregine jaqsy istiń jarqylyn týdyrdy.
Odan ári jınalǵan balalar men olardyń ata-analary taekvondo, kekýshınkaı karate federasııalarynyń uıymdastyrýymen osy sport túrleriniń kórinisterin tamashalady. Osy kúni aspan álemi de ashyq bolyp, balalardyń erkin tynystap, merekeni qýanyshpen ataýyna mol múmkindik berdi.
PETROPAVL