2025/2026 oqý jylyna arnalǵan memlekettik bilim berý granttarynyń sany jarııalandy. Bul týraly Ǵylym jáne joǵary bilim mınıstrligi habarlady, dep jazady Egemen.kz.
Mınıstrliktiń málimetinshe, jańa oqý jylynda 2019 jyly týǵan 400 myńnan astam bala mektepke barady. Al 2027 jylǵa qaraı elimizdegi jalpy oqýshy sany 5 mıllıonǵa jýyqtaıdy. Osyǵan baılanysty bastaýysh jáne orta býyn mektepterinde muǵalimderge degen suranys kúrt artyp otyr.
«2025/2026 oqý jylynda pedagogıkalyq mamandyqtarǵa 13 226 grant, al óner men gýmanıtarlyq ǵylymdarǵa 1 915 grant bólindi», delingen mınıstrlik málimdemesinde.
Sonymen qatar, ınjenerlik, óńdeý jáne qurylys salalaryna shamamen 19 myń, aqparattyq-kommýnıkasııalyq tehnologııalar salasyna 11 myńnan astam, jaratylystaný ǵylymdary, matematıka jáne statıstıka baǵyttaryna 9 myńnan astam grant qarastyrylǵan.
Alına QAIRATQYZY,
EUÝ 2-kýrs stýdenti