Qazaqstan Qarýly kúshteriniń jaýyngerleri Iordanııada ótetin halyqaralyq 14-shi Warrior Competition 2025 saıysyna qatysý úshin daıyndyqtyń sońǵy kezeńine ótti, dep jazady Egemen.kz.
Jyl saıynǵy jarystar Iordanııada Korol Abdalla atyndaǵy Arnaıy operasııalar kúshterin daıarlaıtyn ortalyqtyń polıgonynda ótedi. Bıyl saıysqa álemniń 40-qa jýyq elinen myqty degen elıtalyq bólimsheler qatysady.
Áskerı qyzmetshiler urys júrgizý taktıkasyn, shabýyldaý is-qımyldaryn, atýdy, evakýasııa elementterin jáne top quramyndaǵy ózara is-qımyldy pysyqtaıdy. Daıyndyq taýly jerlerde, ystyq aýa raıynda jáne shekteýli resýrstar jaǵdaıynda júzege asyrylady.
Daıyndyqta áskerı qyzmetshilerdiń fızıkalyq tózimdiligi men psıhologııalyq turaqtylyǵy, sondaı-aq jedel sheshim qabyldaý qabileti basty nazarǵa alynady. Saıystyń basty ereksheligi - qatysýshylardyń tek jeke sheberligi ǵana emes, top quramyndaǵy úılesimdi jumys isteý qabileti de synǵa túsedi.
Alına QAIRATQYZY,
EUÝ 2-kýrs stýdenti