Senattyń Taldau Talks podkasynyń jańa shyǵarylymy jarııalandy. Kezekti shyǵarylym Qazaqstanda sıfrlandyrý jáne jasandy ıntelektini damytý taqyrybyna arnaldy. Suhbat barysynda qol jetkizilgen nátıjelermen birge data-ortalyqtardy damytý, sıfrlyq teńsizdikti joıý, IT-kadrlar daıarlaý jáne zamanaýı AI-tehnologııalardy engizý sııaqty jańa mindetter de sóz boldy.
Talqylaýǵa Parlament Senatynyń tóraǵasy Máýlen Áshimbaev bastamashy boldy. Podkastqa Sıfrlyq damý, ınnovasııalar jáne aeroǵarysh ónerkásibi mınıstri Jaslan Mádıev, inDrive kompanııasynyń negizin qalaýshy jáne bas dırektory Arsen Tomskıı, sondaı-aq «Qazposhta» AQ basqarma tóraǵasy Ásel Janasova qatysty.
Palata spıkeri atap ótkendeı, sıfrlandyrý jańa tehnologııalardy engizýdi ǵana emes, ómirdiń barlyq salasyn júıeli túrde ózgertýdi kózdeıdi.
«Prezıdent Qasym-Jomart Toqaev Qazaqstandy jasandy ıntellekt keńinen qoldanylatyn jáne sıfrlyq tehnologııalardyń damýyna jaǵdaı jasalǵan Eýrazııanyń sıfrlyq habyna aınaldyrýdy mindet etip júktedi. Bul – bıik, degenmen qol jetkizýge bolatyn naqty maqsat. Ony iske asyrý úshin kásibı kadrlarǵa, zamanaýı ınfraqurylymǵa jáne tıimdi jasandy ıntellekt sheshimderine súıene otyryp, tolyqqandy sıfrlyq ekojúıe qalyptastyrýymyz kerek. Sonda ǵana qazirgi jańa tehnologııalar zamanynda ózimizdiń laıyqty ornymyzdy ala alamyz», dedi M.Áshimbaev.
Podkast barysynda KazLLM ulttyq til modelin qurýǵa, Alem.AI Halyqaralyq jasandy ıntellekt ortalyǵyn iske qosýǵa, elimizde data-ortalyqtar jelisin damytýǵa jáne Qazaqstanǵa aımaqtaǵy eń qýatty sýperkompıýterlerdiń biriniń jetkizilýine qatysty máseleler de talqylandy. Sondaı-aq qatysýshylar sıfrlyq egemendik máselelerine, atap aıtqanda, tehnologııalyq táýelsizdikten bastap otandyq JI ónimderin jahandyq naryqqa eksporttaýǵa deıingi jumystarǵa nazar aýdardy.
«Qazir álem aýqymdy ózgeristerdiń tabaldyryǵynda tur. Biz osy úderisten tys qalmaýymyz kerek. Jasandy ıntellekt úlken múmkindiktermen birge aıtarlyqtaı syn-qaterler de týǵyzatyny belgili. Sondyqtan bul salanyń damýyn adamdardyń, elderdiń jáne búkil adamzattyń ıgiligine baǵyttaý – bárimizdiń ortaq mindetimiz», dedi M.Áshimbaev.
Aıta keteıik, Taldau Talks – ashyq dıalog alańy. Onda el damýyna qatysty mańyzdy máseleler jáne Memleket basshysy júktegen mindetterdi iske asyrý joldary talqylanady. Podkastyń tolyq nusqasyn myna siltemesi arqyly kórýge bolady: https://youtube/D-ZxbIUNq4g