Fýtboldan Eýropa lıgasynyń 6 tamyz kúni Shotlandııanyń Aberdın qalasynda jergilikti «Aberdın» men Almatynyń «Qaırat» komandalary arasynda ótetin qarymta kezdesýi Kazsport telearnasynan kórsetilmeıdi.
Buǵan shotland jaǵynyń atalmysh matchtan translıasııa júrgizbeıtini sebep bolyp otyr. Olar bul týraly Kazsport telearnasyna arnaıy joldaǵan hatynda baıandaǵan.
«Bizdiń barynsha kúsh salǵanymyzǵa qaramastan, Qazaqstan komandalarynyń Eýropa kýboktary úshin shet elderde oınaǵan keıbir oıyndaryn buǵan deıin de kórsete almaǵan kezderimiz bolǵan. Mysaly, «Astananyń» qonaqta ótken «Marıbor» klýbymen birinshi kezdesýinde sondaı jaǵdaı tirkeldi. Sebebi, Slovenııa televıdenıesi Marıbordaǵy matchty túsirýge de, ony kórsetýge de qulyqty bolǵan joq. Jáne munyń sebebin túsindirip te jatpady. Biz dál qazirgi «Aberdın» – «Qaırat» kezdesýinde qalyptasqan ahýaldaǵydaı onda da sońǵy mezetke deıin máseleniń oń sheshilýine úmit artqanbyz. Biraq bári beker bolyp shyqty», – dedi telearnanyń prodıýseri Pavel Sybýlın.
Eske sala keteıik, «Qaırattyń» shotland klýbymen óz alańynda ótkizgen birinshi oıyny 2:1 esebimen bizdiń jigitterdiń jeńisimen aıaqtalǵan. Ony Kazsport arnasy tikeleı efırden kórsetti.
Damır QOJAMQUL.