Sonaý keńes zamany kezinde bireýler úıin aq taspen qaptap jatsa, nemese úı jıhazyn satyp alyp jatsa, tańdanyp qalatyn edik. Onyń da ózindik sebebi bar. Sol zamanda keńes halqy qarapaıym ómir súrdi. Jaqsy turmys jasaımyn dep, artyq tabys tapsań da, ony «tusaýlap» qoıdy...
Al qazir she? Adal eńbekpen tabys taýyp, záýlim úı salasyń ba, álde «dáý» kólik alasyń ba, Kanar aralyna baryp demalasyń ba, erkińde. Muny memleketimizdiń adamdar úshin jasap otyrǵan qoldaýy deýge bolady. Mine, sonyń aıǵaǵyndaı, aýylda ystyqqa kúıip, sýyqqa tońyp, mal ósirgen sharýa adamdary eńbeginiń jemisterin kórýde.
Orazǵalı eldi mekeninde 20 shaqty úı bar. Sol aýylda aýdandyq máslıhattyń depýtaty, sporttyń janashyry, «Aqjol» sharýa qojalyǵynyń jetekshisi Nurbolat Ádıetov degen azamat turady. Nurbolattyń úıi qalalardaǵy zamanaýı úlgide jabdyqtalǵan «myqtylardyń» úıin shań qaptyryp ketedi.
Qubyrmen kelip turǵan sýy joq, janynda ózeni joq aýylda salynǵan úı adamǵa qajetti barlyq jabdyqtarmen jabdyqtalǵan. Mine, eńbektiń zeıneti degen osy bolar.
Aıtpaqshy, Nurbolat – jomart azamat. Kókterek mektebine 600 myń teńge turatyn qazaq kúresine qajetti qural-jabdyqtardy alyp bergen. Sonymen qatar, báıgege qosatyn sáıgúlikter baptap júrgen ol kúreske qatysatyn bir shákirtine at sportyna úırensin dep, taı syılaǵan.
Serik JUMAǴALIEV.
Batys Qazaqstan oblysy,
Qaztalov aýdany.