ASTANA. 4 tamyz. Elbasy eki birdeı zańǵa qol qoıdy. Bul týraly Aqordanyń baspasóz qyzmetine silteme jasaǵan ras.kz habarlady.
Habarlamada: «Memleket basshysy zeınetaqymen qamsyzdandyrý júıesin jetildirýge baǵyttalǵan «Qazaqstan Respýblıkasynyń keıbir zańnamalyq aktilerine zeınetaqymen qamsyzdandyrý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańyna qol qoıdy», – delingen.
Condaı-aq, Elbasy sot júıesin jetildirýge baǵyttalǵan «Azamattyq prosestik zańnamany jetildirý máseleleri boıynsha Qazaqstan Respýblıkasynyń keıbir konstıtýsııalyq zańdaryna ózgerister men tolyqtyrýlar engizý týraly» Qazaqstan Respýblıkasynyń Konstıtýsııalyq zańyna qol qoıdy.
Zańdar mátinderi baspasózde jarııalanady.
Elaman Qońyr.
Derek: ras.kz.
Sýret: akorda.kz.