Aqsý qalasyndaǵy "Qazhrom" kompanııasyna qarasty ferroqorytpa zaýytynan atmosferaǵa shyqqan qaldyqtar kólemi normadan asyp ketken, dep habarlaıdy Egemen.kz.
О́z kezeginde "Qazhrom" kompanııasynyń basshylyǵy mundaı másele týyndaýynyń sebebin túsindirdi. Resmı málimdemege súıensek, qaldyqtardyń shekti kólemi 2021 jyly bekitilgen. Keıin tıisti zańnamalyq prosedýra bolmaǵandyqtan, ruqsat qaǵazdy jańartýdyń múmkindigi de bolǵan joq. Al eski talap boıynsha, 2025 jyldan bastap qaldyqtyń shekti kólemi ózgergen.
- Bul normatıvter 2025 jyly Aqsý qalalyq qazandyǵy qoldanysqa beriledi degen eseppen jasaldy. Alaıda bul qazandyq áli de paıdalanýǵa tapsyrylǵan joq. Qala turǵyndaryn jylýsyz qaldyrmas úshin ferroqorytpa zaýytynyń qazandyǵy osy jyly da qaıtadan shaǵyn shahardy jylýmen qamtamasyz etti. Sonyń saldarynan qaldyq kólemi bastapqy esepten asyp tústi. Zaýyttyń aldynda jylytý maýsymynan bas tartyp, búkil qalany qys boıy "qatyrý" nemese barlyq ekologııalyq táýekelderdi moınyna alý tańdaýy turdy. Áleýmettik jaýapkershilikti sezine otyryp, jylýmen qamtýǵa bel býdy, - dep túsindirdi kompanııa ókilderi.
Shynymen, Aqsý qalasynda 11 mlrd teńgeden astam qarjyǵa salynǵan qazandyq qoldanysqa beriler túri joq. 2017 jyly qazyǵy qaǵylyp, búginde qurylys jumystary tolyǵymen aıaqtalsa da áli de "shıki" tustar shyǵyp jatyr. 2023 jyly kúldi usaqtaıtyn quraldar joq ekeni anyqtalsa, byltyrǵy synaq jumystary kezinde qazandyq tolyq qýattylyqqa shyǵa almaıtyny baıqaldy. Bıyl ony taǵy bir ret synaqtan ótkizý josparda bar.