8 naýryz – Halyqaralyq áıelder kúni qarsańynda Ulttyq ulanynyń sarbazdary analaryn erekshe tásilmen quttyqtady. Sarbazdaryna analaryna telefon arqyly habarlasyp, júrekjardy lebizderin jetkizýge múmkindik berildi, dep habarlaıdy Egemen.kz.
Áskerdegi ulynan tosyn qońyraý alǵan analar bul sátti kútpegenin aıtyp, emosııalaryna erik berdi. Keıbiri kóz jasyna ıe bola almaı, perzentine degen saǵynyshy men analyq meıirimin jetkizdi.
8 naýryz merekesine oraı Astanada qandaı is-sharalar ótedi?
Ulttyq ulanda qyzmet etip júrgen jas sarbazdar úshin de bul erekshe sát boldy. Olar áskerı qyzmet barysynda árdaıym qoldaý bildirip, senim artqan analaryna alǵys aıtyp, merekemen quttyqtady.
8 naýryz qarsańynda poıyzdaǵy áıelderge syılyqtar taratyldy
Qatardaǵy jaýynger Saıat Qoıshybaevtyń aıtýynsha, anasyna jyly sóz aıtý – ár perzenttiń paryzy.
«Áskerı qyzmetke kelgennen beri anamdy qatty saǵyndym. Ol árdaıym maǵan qoldaý kórsetip, senim bildiredi. Búgin telefon arqyly habarlasyp, merekemen quttyqtap, jaqsy kóretinimdi aıtý men úshin erekshe sát boldy. Bul sózdi buryn aıtyp kórmeppin. Barlyq analarǵa zor densaýlyq, uzaq ǵumyr tileımin», dedi sarbaz.
Mundaı sharalar sarbazdardyń rýhyn kóterip qana qoımaı, olardyń otbasy múshelerimen baılanysyn nyǵaıtýǵa da yqpal etedi. Quqyqtyq tártip áskerleriniń áskerı bólimderinde turaqty túrde túrli is-sharalar men aksııalar ótkizilip turady. Sonyń ishinde ata-analar men áskerı qyzmetshilerdiń otbasy múshelerine arnalǵan ashyq esik kúnderi uıymdastyrylyp, olar sarbazdardyń turmys-tirshiligimen tanysa alady.
8 naýryz qarsańynda kópbalaly analarǵa beriletin járdemaqy mólsheri qandaı?