ALMATY. 4 tamyz. Qyrkúıek aıyna deıin Medeý aýdanynyń qoǵamdyq kólikteri jańa tujyrymdama boıynsha júretin bolady. Ol jobanyń avtory – danııalyq sáýletshi-ýrbanıst Iаn Geıl. Bul týraly egemen.kz habarlady.
Joldasbekov–Satpaev jáne Fýrmanov–Dostyq kósheleriniń aýmaǵyna ózgerister engizý úshin 90 mıllıon teńge bólindi. Sondaı-aq, osy sharshyda uzyndyǵy 2,5 shaqyrymdyq jańa velojol paıda bolady.
«Búgingi tańda aýdanymyzdyń aýmaǵyna 50 túp ártúrli aǵash otyrǵyzylyp, 4 gúlzar egilip, 4 alpilik shoqylar turǵyzyldy. Barlyǵy 60 myń sharshy metr jerge shym tóseldi», – deıdi Medeý aýdany ákimniń orynbasary Talǵat Ábdihalyqov. Sáýletshi Iаn Geıl bolashaqta jaıaý júrginshilerge arnalǵan joldardy da uzartýdy kózdep otyr.
Talǵat Súıinbaı.
Derek,sýret: egemen.kz.