Qazaqstan Respýblıkasy Halyqaralyq Qaıta Qurý jáne Damý Bankinen (HQDB) 42 mlrd teńge kóleminde jeńildetilgen qaryz alady. Bul qarajat Qazaqstannyń ınklıýzıvti ekonomıkasy úshin jedeldetilgen sıfrlandyrý jobasyna baǵyttalady. Májilis depýtattary tıisti zań jobasyn ratıfıkasııalap, Senattyń qaraýyna jiberýge qoldaý bildirdi, dep habarlaıdy Egemen.kz.
Sıfrlyq damý, ınnovasııalar jáne aeroǵarysh ónerkásibi mınıstri Jaslan Mádıevtiń aıtýynsha, joba Memleket basshysynyń 2024 jylǵy 21 qarashadaǵy Jarlyǵyna sáıkes ázirlengen jáne onyń basty maqsaty – qala men aýyl arasyndaǵy sıfrlyq teńsizdikti qysqartý.
«Jobanyń maqsaty – aýyldyq eldi mekenderde telekommýnıkasııalyq ınfraqurylymdy damytý, úılerge deıin jergilikti jeli tartý, jeke ınvestısııalardy yntalandyrý jáne shaǵyn operatorlardy qoldaý», dedi mınıstr.
Joba shamamen 2,3 mıllıon azamat turatyn (500 myńnan astam úı sharýashylyǵy) 1123 aýyldy qamtıdy jáne 2025 jyldan 2027 jylǵa deıin 3 jyl ishinde júzege asyrylady.
Investısııalardyń jalpy kólemi shamamen 84 mlrd teńgeni quraıdy, munda kúrdeli shyǵyndardyń 50%-ǵa deıingi bóligi Joba sheńberinde sýbsıdııalanatyn bolady:
42 mlrd teńge (50%) — jeke baılanys operatorlaryn qarjylandyrý; 42 mlrd teńge (50%) — Dúnıejúzilik banktiń nesıesi.Bir jolǵy komıssııa — 0,25%;Nesıe sharttary:
Birjolǵy komıssııa – 0,25%; Syıaqy mólsherlemesi — jyldyq shamamen 0,9%; Tólemder — jylyna eki ret: 15 sáýir jáne 15 qazan; Qaryz alýshynyń ókili — Qazaqstan Respýblıkasynyń Qarjy mınıstrligi.Jaslan Mádıevtiń málimetinshe, konkýrsqa keminde 350 abonenti bar jáne qarjylyq turaqtylyǵy dáleldengen ulttyq baılanys operatorlary qatysa alady. Bir jobaǵa beriletin sýbsıdııanyń eń joǵary mólsheri – 250 mln teńge.
«Bul jobany júzege asyrý aýyldaǵy shaǵyn jáne orta bıznestiń damýyna, salyq túsimderiniń 2 mlrd teńgege artýyna, 800-den astam ýaqytsha jáne 200-den astam turaqty jumys ornyn ashýǵa yqpal etedi», dedi mınıstr.
Joba Qazaqstannyń tehnologııalyq egemendigin nyǵaıtyp, aýyldaǵy azamattar úshin zamanaýı ınternet pen «aqyldy» qurylǵylardy qoljetimdi etedi.