«Daryn» memlekettik jastar syılyǵy - ǵylym, shyǵarmashylyq, qoǵamdyq qyzmet salalarynda jemisti eńbegimen kózge túsken, sondaı-aq joǵary sporttyq jetistikteri úshin daryndy jastardy memleket tarapynan qoldaý maqsatynda usynylady, dep habarlaıdy Egemen.kz.
Baıqaý «Ádebıet», «Ǵylym», «Dızaın jáne beıneleý óneri», «Jýrnalıstıka», «Klassıkalyq mýzyka», «Qoǵamdyq qyzmet», «Sport», «Teatr jáne kıno», «Estrada», «Halyq shyǵarmashylyǵy» atty 10 nomınasııaǵa sáıkes ótedi.
Syılyq alýǵa halyqaralyq jáne respýblıkalyq konkýrstardyń, festıvalder men túrli sharalardyń laýreattary, respýblıkalyq jáne halyqaralyq deńgeılerdegi sporttyq jarystardyń júldegerleri men jeńimpazdary, sondaı-aq qyzmeti ınnovasııalyq jáne tıisti sala men tutastaı qoǵamdy damytýǵa yqpal etken elimizdiń 35 jasqa deıingi azamattary úmitker bola alady.
«Daryn» jastar syılyǵyn alýǵa kandıdatýralardy ortalyq, jergilikti jáne ózge de memlekettik organdar, qoǵamdyq birlestikter jáne el aýmaǵynda tirkelgen ózge de zańdy tulǵalar júrgizedi jáne mynadaı qujattardy qaǵaz jáne elektrondyq túrde jiberedi:
1) kandıdattyń jeke basyn kýálandyratyn qujattyń kóshirmesi;
2) osy Qaǵıdalarǵa qosymshaǵa sáıkes nysan boıynsha «Daryn» memlekettik jastar syılyǵyn alýǵa arnalǵan tirkeý ótinimi;
3) ótinishhat pen syılyq alýǵa izdenýshiniń jetistikteri týraly anyqtama;
4) marapattaý dıplomdarynyń, gramotalardyń, alǵys hattardyń kóshirmeleri (bolǵan jaǵdaıda);
5) kandıdattyń nemese kandıdat týraly maqalalardyń, jarııalanymdardyń kóshirmeleri (bolǵan jaǵdaıda);
6) banktik shottyń bolýy týraly anyqtamanyń kóshirmesi;
7) kandıdattyń jetistikteri týraly rastaıtyn materıaldar (bolǵan jaǵdaıda).
Jeńimpazdarǵa «Daryn memlekettik jastar syılyǵynyń laýreaty» ataǵy beriledi jáne olar dıplommen, tósbelgimen sondaı-aq qarjylaı syılyqpen marapattalady.
«Daryn» jastar syılyǵy 1992 jyly taǵaıyndalǵan. Ár jyldary atalǵan syılyqty túrli saladaǵy 360-tan astam azamat ıelengen bolatyn.