«Býrabaı» ulttyq parkinde Jumbaqtas tabıǵı eskertkishke kirý jabyldy. Bul týraly parktyń Instagram paraqshasynda habarlandy, dep jazady Egemen.kz.
«Jumbaqtas jartasty shyńy – estetıkalyq qana emes, mádenı qundylyǵy da zor biregeı tabıǵı eskertkish. Jartasqa shyǵýǵa qatań tyıym salynady! Bul tek tabıǵatty qorǵaý erejelerin buzý ǵana emes, sonymen qatar ómir men densaýlyqqa qaýip tóndiredi. Belgilengen shekteýlerdi saqtap, Qazaqstannyń tabıǵı murasyna uqypty qaraýdy suraımyz», delingen habarlamada.
Sondaı-aq, erejeni buzǵandar ákimshilik jaýapkershilikke tartylady dep atap ótilgen.