«Jas Keñes Siyligi» baıqaýyna ótinimderdi qabyldaý 20 maýsymynan 20 shildege deıin jalǵasady. Syılyqqa QR-nyń 35 jasqa tolmaǵan (35 jasty qospaı alǵanda) azamattary qatysa alady. Baıqaýǵa qatysýǵa ótinimdi https://www.jas-kenes.kz/application saıtynda berýge bolady, dep habarlaıdy Egemen.kz.
«Jas Keñes Sıylığı» – Qazaqstan Respýblıkasy Prezıdenti janyndaǵy Jastar saıasaty jónindegi keńestiń bastamasymen 2024 jyly qurylǵan táýelsiz jastar syılyǵy. Bul syılyq elimizdiń ekonomıkasy men qoǵamdyq ómirindegi negizgi salalarda belsendi jas mamandarǵa beriledi.
Konkýrstyq irikteý 3 kezeńnen turady. Ár nomınasııa boıynsha 2 jeńimpazdan, barlyǵy 20 jeńimpaz anyqtalady. Baıqaýdyń júlde qory – 20 mıllıon teńge (ár jeńimpazǵa 1 mıllıon teńgeden).
QR Mádenıet jáne aqparat mınıstrliginiń habarlaýynsha, ótken jylmen salystyrǵanda bıyl jas ǵalymdar, joǵary oqý oryndarynyń oqytýshylary men dárigerler, aqparattyq-kommýnıkasııalyq tehnologııalar, kreatıvti ındýstrııalar jáne atom ónerkásibi salasynyń ókilderi sııaqty jańa mamandyqtar engizilgen.
Uıymdastyrýshylardyń aıtýynsha, bıyl nomınasııalar sany 7-den 10-ǵa deıin artqan:
«Janqıarlyq» – QR ishki ister organdary men qarýly kúshteriniń qyzmetkerlerine arnalǵan; «Altyn jürek» – orta jáne kishi medısına qyzmetkerlerine (jedel járdem, akýsher, sanıtar jáne t.b.) jáne dárigerlerge arnalǵan; «Önerkäsıp» – óńdeý ónerkásibi, taý-ken-metallýrgııa kesheni jáne ekonomıkanyń basqa da óndiristik sektorlarynda jumys isteıtinderge arnalǵan; «Bolaşaq turaly qamqorlyq» – ınklıýzıvti oqý ortalyqtarynyń qyzmetkerlerine, arnaıy qyzmet kórsetetin uıymdarǵa, áleýmettik qyzmet kórsetetin mekemelerge (balalar úıleri, hospıster, qarttar úıleri, múmkindigi shekteýli jandarǵa qoldaý kórsetý ortalyqtary jáne t.b.), sondaı-aq volonterlerge arnalǵan; «Bılım jäne Ğylym» – mektepke deıingi, orta, TjKB, joǵary jáne joǵary oqý ornynan keıingi bilim berý uıymdarynyń pedagogterine, sonymen qatar ǵalymdar, ǵylymı qyzmetkerler men zertteýshilerge arnalǵan; «Qaisar» – avarııalyq-qutqarý qyzmeti, órt sóndirýshiler jáne azamattyq qorǵanys júıesiniń ózge de uıymdarynyń qyzmetkerlerine arnalǵan; «Altyn qol» – syrlaýshy, santehnık, qurylysshy jáne t.b. jumysshy mamandyqtarynyń ókilderine, sondaı-aq PIK, MIB jáne eldi mekenderdiń tirshiligin qamtamasyz etýge jaýapty uıymdardyń qyzmetkerlerine arnalǵan; «Zharyq» – energetıka salasynyń, atom ónerkásibiniń, munaı-gaz kásiporyndarynyń qyzmetkerlerine arnalǵan; «Örken» – agroónerkásip kesheni, aýyl sharýashylyǵy ónimderin qaıta óńdeý jáne azyq-túlik ónimderin óndirý salasyndaǵy mamandarǵa arnalǵan; «Örleu» – aqparattyq-kommýnıkasııalyq tehnologııalar (onyń ishinde jasandy ıntellekt, derekterdi taldaý jáne t.b.) jáne kreatıvti ındýstrııalar salasynyń qyzmetkerlerine arnalǵan.Aıta keteıik, syılyq pen Keńestiń qyzmeti týraly tolyq aqparatty https://www.jas-kenes.kz/ saıtynan bile alasyzdar.