“JÚREKTEGI TÁTTI MUŃ...”

О́MIR ShYNDYǴYNAN SYR ShERTEDI “Jyrlaımyn ór shabytpen Otan atyn, jyrlaımyn ystyq qushaq, marhabatyn”. Balǵyn da al­byrt jyrlaryn mektep qabyrǵa­syn­da júrgende, anyǵyraq aıtqan­da, alpy­synshy jyldardyń basyn­da osylaı týǵan eline degen shyna­ıy sezimimen bastaǵan Ǵalııa Qaı­daýyl­qyzy búginde esimi belgili qa­lam­ger. Ol “Altyn arqaý” mádenı-etno­gra­fııa­lyq qoǵamdyq birles­tigi­niń tóraıy­my, Almaty qalasy ákim­­diginiń úki­mettik emes uıymdar­men yntymaq­tastyq jáne ózara is-qımyl jónin­degi qoǵamdyq keńes­tiń múshesi retinde de birqatar is-shara­lardy júzege asyrýǵa óz úle­sin qosýda. Alǵash eńbek jolyn res­pýb­lıkalyq teleradıo komı­tetinde bas­taǵan Ǵalııa Qaıdaýyl­qyzy qa­la­mynan týǵan oı-tolǵanystary óz oqyr­manynyń nazaryn aýdarar­­lyqtaı. Jaqynda Almatyda Ǵalııa Qaı­daýylqyzynyń “Júrektegi tátti muń” atty alǵashqy týyndysynyń tusaýkeserine arnalǵan kesh bolyp ótti. Kitapqa avtordyń ár jyldar­daǵy oı tolǵanystary, naqyshty naqyl­dary, el taǵdyry men til taǵ­dy­ryna arnalǵan jyr shýmaqtary, sonymen qatar aforızmderi de en­gen. Sóz reti kelgende atap aı­tar­lyǵy, jańa eńbektiń tanymdyq, ta­ǵy­lymdyq sıpaty aıqyn ań­ǵary­lady. Júrekten shyqqan sóz ǵana jú­rekke jetetindigin eskersek, “Júrek­tegi tátti muńda”kóńilge oı salatyn, tolǵandyratyndaı jyr­­lar da, qanatty sózder de az emes. Qazaq memlekettik qyzdar pedago­gıkalyq ýnıversıtetiniń prorek­tory Klara Jantóreevanyń pikirinshe, “Júrek­tegi tátti muń” – jan sýsynyn qandyratyn ádemi dúnıe, al, onyń óleńderine jazylǵan ánder de júrekke jyly”. Keıingi jas urpaqqa ulttyq salt-dástúrdi júıeli túrde nası­hattaýdy óziniń basty maqsatyna aınaldyrǵan Ǵalııa Qaıdaýyl­qyzy­nyń sondaı-aq jastardy otan­súı­gishtikke úndeýi de kóp nárse­den habar berse kerek. Onyń “abyr da sabyr zamanda, qut darytar qadamǵa, rýhy ultpen uran­das, Baýyrjan kerek zamanǵa” dep jyrlaýy da son­dyqtan shyǵar. Úl­ken­niń de, kishi­niń de boıynan adam­gershilik asyl qasıetti, adal­dyq pen ar-oj­dan tazalyǵyn kórgi­si keletin qalam­­gerdiń qoǵam­dyq jat quby­lys­tarǵa jany qas. Iá, aqyn shýmaq­­taryndaǵydaı óziniń qulqynynyń qulyna aınal­ǵandar­dyń aramyzda kezdese­tindigin joqqa shyǵarýǵa bolmaıdy. Tipti, búginde óz kásibin adal atqaryp, jaýapker­shiliktiń jo­ǵa­ry úlgisin tanytýǵa tıisti aq halat­ty­lar arasynda da bi­li­mi tómen­der bar. Ǵalııa dál taýyp aıtqanyn­daı “adal dáriger kózińe qaraıdy, nadan dáriger qolyńa qaraıdy”. Munyń ózi qaıtkende de ómirdiń ashy shyndyǵy. Baqyt BALǴARINA. Almaty.